କୋରାପୁଟ, (ବଡ଼ ଖବର ବ୍ୟୁରୋ): ଫେଲ୍ ମାରିଲା ମାଓବାଦୀଙ୍କ ଯୋଜନା । କୋରାପୁଟ ପୋଲିସର ବଡ଼ ସଫଳତା । କୋରାପୁଟ-ମାଲକାନଗିରି ଜିଲ୍ଲା ସୀମାନ୍ତରୁ ବିପୁଳ ବିସ୍ଫୋରକ ଉଦ୍ଧାର କରିଛନ୍ତି ପୋଲିସ ଓ ବିଏସଏଫ । ବିସ୍ଫୋରକ ସହ ମାଓପୁସ୍ତିକା, ଫ୍ଲାସ ଲାଇଟ୍ ଓ ମାଓ କ୍ୟାଡରଙ୍କ ଫଟୋ ମଧ୍ୟ ଜବତ କରାଯାଇଛି । ମାଛକୁଣ୍ଡ ଥାନା ଅନ୍ତର୍ଗତ ସୀମାନ୍ତ ଜଙ୍ଗଲରେ ୧୫ରୁ ୨୦ ଜଣ ମାଓବାଦୀ ଏକାଠି ହୋଇ ରହୁଥିଲେ । କୌଣସି ସୂତ୍ରରୁ ଖବର ପାଇ ପୋଲିସ ସେଠାରେ ଚଢ଼ାଉ କରିଥିଲା । ଡିଏଫଭି ଓ ବିଏସଏଫ ତରଫରୁ ମିଳିତ ଅପରେସନରେ ସଫଳ ହୋଇଛି । ପୋଲିସ ଓ ଯବାନଙ୍କ ଅପରେସନରେ ନକ୍ସଲମାନେ ଛତ୍ରଭଙ୍ଗ ଦେଇଛନ୍ତି । ସୁରକ୍ଷାକର୍ମୀଙ୍କୁ ଟାର୍ଗେଟ କରିବା ଲାଗି ଏହା ରଖାଯାଇଥିଲା ବୋଲି ସନ୍ଦେହ କରାଯାଉଛି । ଆଜି ପ୍ରେସମିଟ ଜରିଆରେ ଗଣମାଧ୍ୟମକୁ ସୂଚନା ଦେଇଛନ୍ତି କୋରାପୁଟ ଏସପି ମୁକେଶ କୁମାର ଭାମୁ ।
