ପ୍ରାଥମିକ ଶିକ୍ଷୟିତ୍ରୀ ବଖାଣୁଛନ୍ତି ନିଜ ଦୁଃଖ କାହାଣୀ
ଭୁବନେଶ୍ୱର(ବଡ଼ ଖବର ବ୍ୟୁରୋ): ରାଜ୍ୟରେ ଶିକ୍ଷକ ଆନ୍ଦୋଳନ ଦିନକୁ ଦିନ ତୀବ୍ର ହେବାରେ ଲାଗିଛି । ୧୦ ଦିନ ହେଲାଣି ରାଜରାସ୍ତାରେ ବସିଛନ୍ତି ଶିକ୍ଷକ,ଶିକ୍ଷୟିତ୍ରୀ । ୩ ଦଫା ଦାବି ପୂରଣ ପାଇଁ ଜିଦ୍ରେ ଅଟଳ ଶିକ୍ଷକ । ସରକାରଙ୍କ ସହ ଆଲୋଚନା ବିଫଳ ହେବା ପରେ ୧୧ ତାରିଖରୁ ଆନ୍ଦୋଳନକୁ ଓହ୍ଲାଇଛନ୍ତି ପ୍ରାୟ ଦେଢ ଲକ୍ଷରୁ ଉର୍ଦ୍ଧ୍ୱ ଶିକ୍ଷକଶିକ୍ଷୟତ୍ରୀ ।
ଶିକ୍ଷକଙ୍କ ଆନ୍ଦୋଳନ ଯୋଗୁ ଚିନ୍ତାରେ ଅଭିଭାବକ । ଏହାରି ମଧ୍ୟରେ ଜଣେ ଶିକ୍ଷୟିତ୍ରୀଙ୍କ ଅଡିଓ ଏବେ ଭାଇରାଲ ହେବାରେ ଲାଗିଛି । ପ୍ରାଥମିକ ଶିକ୍ଷୟିତ୍ରୀ ନିଳୀମା ସାହୁ ନିଜ କବିତା ମାଧ୍ୟମରେ ସରକାରଙ୍କୁ କଟାକ୍ଷ କରିଛନ୍ତି । କବିତା ମାଧ୍ୟମରେ ବିଦ୍ୟାଳୟର ଅସୁବିଧା ଜଣାଇବା ସହ ଶୀଘ୍ର ଦାବି ପୂରଣ କରିବାକୁ ଅନୁରୋଧ କରିଛନ୍ତି ।
