ଆଜିଠୁ ମଣିପୁରରେ ସର୍ବସାଧାରଣଙ୍କ ପାଇଁ ଇଣ୍ଟରନେଟ୍ ସେବା ଆରମ୍ଭ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଆଜିଠାରୁ ମଣିପୁରରେ ଇଣ୍ଟରନେଟ ପ୍ରତିବନ୍ଧକ ହଟାଯିବ ବୋଲି ମଣିପୁର ମୁଖ୍ୟମନ୍ତ୍ରୀ ଏନ ବିରେନ ସିଂ ଘୋଷଣା କରିଛନ୍ତି। ମେ ୧ ତାରିଖରେ ପ୍ରଥମେ ଜାତିଗତ ସଂଘର୍ଷ ଆରମ୍ଭ ହେବା ପରେ ମଣିପୁରର କେତେକ ଜିଲ୍ଲାରେ ଇଣ୍ଟରନେଟ୍ ସେବା ଉପରେ ରାଜ୍ୟ ସରକାର ଏକ ପ୍ରତିବନ୍ଧକ ଲଗାଇଥିଲେ। ଗୁଜବ ଏବଂ ଭିଡିଓ, ଫଟୋ ଏବଂ ବାର୍ତ୍ତା ବିସ୍ତାରକୁ ରୋକିବା ପାଇଁ ଏକ ସତର୍କତାମୂଳକ ପଦକ୍ଷେପ ଭାବରେ ଏହା ରାଜ୍ୟର ଆଇନ ଶୃଙ୍ଖଳା ପରିସ୍ଥିତି ଉପରେ ପ୍ରଭାବ ପକାଇପାରେ ବୋଲି ରାଜ୍ୟ ସରକାର ଇଣ୍ଟରନେଟ୍ ଉପରେ ପ୍ରତିବନ୍ଧକ ଲାଗାଇଥିଲେ । କିନ୍ତୁ ଆଜିଠାରୁ ଇଣ୍ଟରନେଟ୍ ଉପରେ ପ୍ରତିବନ୍ଧକ ହଟାଯିବ ବୋଲି ମଣିପୁର ମୁଖ୍ୟମନ୍ତ୍ରୀ ନ ବିରେନ ସିଂ ଇମ୍ଫାଲରେ ଏକ ସାମ୍ବାଦିକ ସମ୍ମିଳନୀରେ କହିଛନ୍ତି।