ଆଜିବି ମୌଳିକ ସୁବିଧାରୁ ବଞ୍ଚିତ ଅଛନ୍ତି ଗ୍ରାମବାସୀ
ବନ୍ତ (ବଡ଼ ଖବର ବ୍ୟୁରୋ): ରାସ୍ତା ପାଲଟିଛି ମରଣ ଯନ୍ତା । କାଦୁଅ ସର ସର ରାସ୍ତା ଦେଇ ପ୍ରତ୍ୟେକ ଦିନ ଶହ ଶହ ଲୋକେ ଯାତାୟତ କରୁଛନ୍ତି । ହେଲେ କାହାରି ନଜର ପଡୁନି ଏହି ରାସ୍ତା ଉପରେ । ବନ୍ତ ବ୍ଲକ ଅନ୍ତର୍ଗତ ଗୋବିନ୍ଦପୁର ପଞ୍ଚାୟତର ତରାଗୋ ଗାଁ କଥା। ଏହି ଗ୍ରାମର ୫ ଓ ୬ ନମ୍ୱର ୱାର୍ଡକୁ ସଂଯୋଗ କରୁଥିବା ଏହି ରାସ୍ତା ଏବେ ମରଣ ଯନ୍ତା ପାଲଟିଯାଇଛି।
ଏହି ରାସ୍ତା ଦେଇ ପ୍ରତ୍ୟେକ ଦିନ ଛାତ୍ରଛାତ୍ରୀଙ୍କ ଠାରୁ ଆରମ୍ଭ କରି ୫୦୦ ରୁ ଅଧିକ ଲୋକ ଯାତାୟାତ କରିଥାନ୍ତି। ଯାହା ଫଳର ଅସରାଏ ବର୍ଷା ହେଲେ ଦୁର୍ଦ୍ଦଶା କହିଲେ ନସରେ। ଏନେଇ ବାରମ୍ବାର ବିଭାଗୀୟ ଅଧିକାରୀ ଓ ସ୍ଥାନୀୟ ନେତୃତ୍ୱଙ୍କୁ ଜଣାଇଲେ ମଧ୍ୟ କିଛି ଲାଭ ପାଇପାରୁ ନାହାନ୍ତି ଗ୍ରାମବାସୀ । ଜଳଜଳ ହୋଇ ଦିଶୁଛି ରାସ୍ତାର ଦୂରବସ୍ଥା । ତେବେ ନିଦ୍ରାରେ ଥିବା ପ୍ରଶାସନର କେବେ ନିଦ ଭାଙ୍ଗୁଛି ତାହା ଦେଖିବାକୁ ବାକି ରହିଲା ।