ବର୍ଷିଆନ ଅଭିନେତ୍ରୀ ୱାହିଦା ରେହମାନ ପାଇବେ ଦାଦା ସାହେବ ଫାଲକେ ପୁରସ୍କାର

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ସିନେମା ଜଗତର ସବୁଠାରୁ ବଡ଼ ସମ୍ମାନ ହେଉଛି ‘ଦାଦା ସାହେବ ଫାଲକେ ଆୱାର୍ଡ’ । ତେବେ ଚଳିତ ବର୍ଷ ଏହି ସମ୍ମାନ ମିଳିଛି କିମ୍ବଦନ୍ତୀ ଅଭିନେତ୍ରୀ ‘ୱାହିଦା ରେହମାନଙ୍କୁ’ । ସୂଚନା ଓ ପ୍ରସାରଣ ମନ୍ତ୍ରୀ ଅନୁରାଗ ଠାକୁର କିମ୍ବଦନ୍ତୀ ଅଭିନେତ୍ରୀ ୱାହିଦା ରେହମାନଙ୍କୁ ‘ଦାଦାସାହେବ ଫାଲକେ ପୁରସ୍କାର’ ଦେବାକୁ ଘୋଷଣା କିରିଛନ୍ତି । ସେ ‘ପ୍ୟାସା’, ‘କାଗଜ କି ଫୁଲ’, ‘ସାହେବ ବିବି ଅର ଗୁଲାମ,’ ‘ଗାଇଡ’ ଭଳି ଚଳଚ୍ଚିତ୍ରରେ ତାଙ୍କର ଦୃଢ ଅଭିନୟ ଦର୍ଶାଇଛନ୍ତିି ।

୯୦ରୁ ଅଧିକ ଚଳଚ୍ଚିତ୍ରରେ ସେ ଅଭିନୟ କରି ପଦ୍ମଶ୍ରୀ ଓ ପଦ୍ମଭୂଷଣ ସମ୍ମାନରେ ସମ୍ମାନିତ ହୋଇଛନ୍ତି । ରେହମାନଙ୍କୁ ଏହି ପୁରସ୍କାର ପ୍ରଦାନ କରି ଅନୁରାଗ ଠାକୁର ନିଜର ଖୁସି ବ୍ୟକ୍ତ କରିଛନ୍ତି । ସେ କିମ୍ବଦନ୍ତୀ ଅଭିନେତ୍ରୀଙ୍କୁ ପ୍ରଶଂଶା କରିଥିଲେ । ସେ କହିଛନ୍ତି ଚଳିତ ବର୍ଷ ଦାଦା ସାହେବ ଫାଲକେ ଲାଇଫ ଟାଇମ ଆଚିଭମେଣ୍ଟ ଆୱାର୍ଡରେ ରେହମାନ ଜୀଙ୍କୁ ସିନେମା ଜଗତରେ ତାଙ୍କ ଉଲ୍ଲେଖନୀୟ ଅବଦାନ ପାଇଁ ଦିଆଯିବ । ତାଙ୍କୁ ଏହି ପୁରସ୍କାର ଘୋଷଣା କରି ମୁୃଁ ନିଜକୁ ବହୁତ ଗର୍ବ ଅନୁଭବ କରୁଛି ।