ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଏସୀୟ କ୍ରୀଡ଼ା କ୍ରିକେଟରେ ଇତିହାସ ରଚିଲା ନବାଗତ ନେପାଳ । ଟି-୨୦ ଫର୍ମାଟରେ ରନ୍ ବର୍ଷା କରି ଏକାଧିକ ରେକର୍ଡ ଭାଙ୍ଗିଲା ନେପାଳ । ଟି-୨୦ରେ ଦ୍ରୁତତମ ଶତକ, ଦ୍ରୁତତମ ଅର୍ଦ୍ଧଶତକ, ସର୍ବାଧିକ ଦଳୀୟ ସ୍କୋର, ସର୍ବାଧିକ ରନ୍ ବ୍ୟବଧାନରେ ବିଜୟ, ସବୁ ରେକର୍ଡ ହୋଇଛି ନେପାଳ ଓ ମଙ୍ଗୋଲିଆ ମଧ୍ୟରେ ଖେଳାଯାଇଥିବା ଏହି ମ୍ୟାଚରେ । ପ୍ରଥମେ ବ୍ୟାଟିଂ କରିଥିବା ନେପାଳର କୁଶଳ ମଲ୍ଲ ୩୪ ବଲରୁ ଶତକ ଅର୍ଜନ କରି ରେକର୍ଡ ସ୍ଥାପନ କରିଛନ୍ତି ।
ଟି-୨୦ ଇତିହାସରେ ପ୍ରଥମ ଦଳ ଭାବେ ୩୦୦ ରନ୍ ଟପିଲା ନେପାଳ। ଗୋଟିଏ ଇନିଂସରେ ୨୬ ଛକା ମଧ୍ୟ ସର୍ବାଧିକ ଛକାର ରେକର୍ଡ । ଦୀପେନ୍ଦ୍ର ୯ଟି ବଲରେ ଅର୍ଦ୍ଧଶତକ କରି ଯୁବରାଜଙ୍କ ରେକର୍ଡ ଭାଙ୍ଗିଲେ । ୩୪ଟି ବଲ୍ରେ ଶତକ ପୂରଣ କରି ରେକର୍ଡ କଲେ କୁଶଲ ମାଲା । ରୋହିତ ଶର୍ମା ଓ ଡେଭିଡ ମିଲରଙ୍କ ୩୫ ବଲ ଶତକ ରେକର୍ଡ ଭାଙ୍ଗିଲେ ମାଲା । ମଙ୍ଗୋଲିଆକୁ ୪୧ ରନ୍ରେ ଅଲଆଉଟ କରି ୨୭୪ ରନ୍ରେ ଜିତିଲା ଜିତିଲା ନେପାଲ ।
