ଇମ୍ଫାଲ (ବଡ଼ ଖବର ବ୍ୟୁରୋ): ଥମିବାରେ ଲାଗୁନିି ମଣିପୁର ହିଂସା । କିଛି ଦିନ ପରେ ମଣିପୁରରେ ଇଣ୍ଟରନେଟ ସେବା ଆରମ୍ଭ ହୋଇଥିଲା । କିନ୍ତୁ ଦୁଇ ଛାତ୍ରଙ୍କ ମୃତଦେହ ଭାଇରାଲ ହେବା ପରେ ପୁଣି ଇଣ୍ଟରନେଟକୁ ସ୍ଥଗିତ ରଖାଯାଇଛି । ଆଉ ଏବେ ମୁଖ୍ୟମନ୍ତ୍ରୀ ଏନ ବିରେନ ସିଂଙ୍କ ଘର ଉପରେ ଆକ୍ରମଣ ଉଦ୍ୟମ ହୋଇଛି। ଉପସ୍ଥିତ ସୁରକ୍ଷା ବାହିନୀ ଏହାକୁ ପଣ୍ଡ କରିଥିଲେ। ପୋଲିସ ଅଧିକାରୀ କହିଛନ୍ତି ଯେ, ଇମ୍ଫାଲର ହିଙ୍ଗାଙ୍ଗ ଅଞ୍ଚଳରେ ମୁଖ୍ୟମନ୍ତ୍ରୀଙ୍କ ଘର ଉପରେ ଆକ୍ରମଣ କରିବାକୁ ଉଦ୍ୟମ କରାଯାଇଛି। ସୁରକ୍ଷା ବାହିନୀ ଘରୁ ପ୍ରାୟ ୧୦୦ ମିଟର ଦୂରରେ ଭିଡକୁ ଅଟକାଇଥିଲେ। ସେହି ଘରେ କେହି ରୁହନ୍ତି ନାହିଁ କିନ୍ତୁ ଏହା କଡା ସୁରକ୍ଷା ଅଧୀନରେ ଅଛି।
