ଭୁବନେଶ୍ୱର (ବଡ଼ ଖବର ବ୍ୟୁରୋ): ଡାଲି ଫିଙ୍ଗା ଘଟଣାକୁ ନେଇ ରାଜ୍ୟ ରାଜନୀତିରେ ହଟ୍ଟଚମଟ । ନିଲମ୍ବନ ବିରୋଧରେ ଜୋରଦାର ଲଢିବ ବିଜେପି । ନିଲମ୍ବନକୁ ନେଇ କଡ଼ା ଜବାବ ଦେଲେ ବିରୋଧୀ ଦଳ ନେତା ଜୟନାରାୟଣ ମିଶ୍ର । କହିଲେ ଡାଲି ଭଲ ଲାଗେ ଡାଲି ଦେଇ ନ୍ୟାୟ ମାଗିଲୁ, ଦୋଷ ନଥାଇ ନିଲମ୍ବିତ କରିଛ ପସ୍ତାଇବ । ଗୃହକୁ ମ୍ୟାନେଜ କରୁଛି ଶାସକ ଦଳ । ଅନେକଙ୍କୁ ମ୍ୟାନେଜ କରୁଛନ୍ତି ବୋଲି ଭାବୁଛନ୍ତି ଜୟନାରାୟଣ ମିଶ୍ରଙ୍କୁ ମ୍ୟାନେଜ କରିନେବେ ।
ତାହା ସମ୍ଭବ ନୁହେଁ । ବାଚସ୍ପତି ବାଚସ୍ପତି ପଦ ପାଇଁ ଯୋଗ୍ୟ ନୁହଁନ୍ତି । ସ୍ପିକରଙ୍କୁ ବିଧାନସଭାର ବିଧି ବ୍ୟବସ୍ଥା ଜଣାନାହିଁ । ଏଥିସହ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ମହିଳା ବିରୋଧୀ କହିଛନ୍ତି । ସେ କହିଛନ୍ତି ପୂର୍ବରୁ ଜଣେ ମହିଳାଙ୍କୁ ତାଙ୍କ ଦଳ ରାଜରାସ୍ତାରେ ବାଡେଇ ବାଡେଇ ନେଇଥିଲା । ସୂଚନା ଅନୁସାରେ ଗତକାଲି ବାଚସ୍ପତିଙ୍କ ଉପରକୁ ଡାଲି ଫିଙ୍ଗା ଅଭିଯୋଗରେ ମୋହନ ମାଝୀ ଏବଂ ମୁକେଶ ମହାଲିଙ୍ଗଙ୍କୁ ନିଲମ୍ବିତ କରାଯାଇଛି ।
