ଅବକାରି ବିଭାଗ ପକ୍ଷରୁ ୩ଟି ସ୍ଥାନରେ ଚଢ଼ାଉ କରି ୧୫ ଲିଟର ବିଦେଶୀ ମଦ ସହ, ୩ଜଣ ଗିରଫ

ଚାନ୍ଦବାଲି(ବଡ଼ ଖବର ବ୍ୟୁରୋ): ଅଞ୍ଚଳରେ ଦିନକୁ ଦିନ ଚୋରା ମଦର କାରବାର ବଢ଼ିବାରେ ଲାଗିଛି । ମତୋରେ ଅବସ୍ଥାପିତ ସରକାରୀ ମଦ ଦୋକାନ ସହଯୋଗରେ ଚୋରା ବେପାରୀ ମାନେ ପେଟି ପେଟି ମଦ ନେଇ ସ୍ଥାନୀୟ ମାଧପୁର, ଖେରଙ୍ଗ, ସିଙ୍ଗିଟି, ଆଦି ଅଂଚଳରେ ବ୍ୟାପକ ଭାବରେ ଚୋରା କାରବାର କରାଯାଉଛି । ଏହି ଘଟଣା ଅବକାରୀ ବିଭାଗ ଜ୍ଞାତ ସାରରେ ଚାଲୁଥିବାରୁ ମାଫିଆଙ୍କ ସହ ଲାଇସେନ୍ସ ପ୍ରାପ୍ତ ଦୋକାନୀ ମାଲିକ ମାଲାମାଲ ହେଉଛନ୍ତି । ଜିଲ୍ଲା ଅବକାରୀ ନିରିକ୍ଷକଙ୍କ ନିର୍ଦେଶରେ ଚାନ୍ଦବାଲି ଅବକାରୀ ବିଭାଗର ଓଆଇସି ଅଭିଳାଷ ପାଲ ଏବଂ ଅବକାରୀ ବିଭାଗ ଟିମ ଚାନ୍ଦବାଲି ବ୍ଲକରେ ୩ଟି ସ୍ଥାନରେ ଖବର ପାଇ ଛାପା ମାରିଥିଲେ । ଚାନ୍ଦବାଲି ଅବକାରୀ ବିଭାଗ ପକ୍ଷରୁ ମୋଟ ପନ୍ଦର ଲିଟର ବିଦେଶୀ ମଦ ସହ ୩ ଜଣ ଅଭିଯୁକ୍ତଙ୍କୁ ଗିରିଫ କରାଯାଇଛି । ଏଥିନେଇ ଯଦି ରାଜ୍ୟ ଅବକାରୀ ବିଭାଗର ସ୍ୱତନ୍ତ୍ର ଟିମଙ୍କ କତରେ ଯଦି ମତୋ ଅଞ୍ଚଳ ପରିଦର୍ଶନ ସହ କ୍ଷେତ୍ରୀୟ ରେଡ କରାଯାଆନ୍ତା ତେବେ ନିଶ୍ଚିୟ ସ୍ଥାନୀୟ ଅଂଚଳ ଚୋରା ମଦ କାରବାର ବନ୍ଦ ହୋଇ ପାରନ୍ତା ବୋଲି ସ୍ଥାନୀୟ ବାସୀ ପ୍ରକାଶ କରିଛନ୍ତି ।