ଏଟିଏମ୍ ଭାଙ୍ଗିଲେ ଦୁର୍ବୃତ୍ତ

ଖଇରା, (ବଡ଼ ଖବର ବ୍ୟୁରୋ): ଷ୍ଟେଟ୍ ବ୍ୟାଙ୍କ ଏଟିଏମ ଭାଙ୍ଗିଲେ ଦୁର୍ବୃତ୍ତ। ବାଲେଶ୍ୱର ଜିଲ୍ଲା ଖଇରା ବ୍ଲକ ଅନ୍ତରା ବଜାର ନିକଟରେ ଥିବା ଭାରତୀୟ ଷ୍ଟେଟ୍ ବ୍ୟାଙ୍କ ଏଟିଏମକୁ ଗତକାଲି ବିଳମ୍ବିତ ରାତିରେ ଦୁର୍ବୃତ୍ତ ଭଙ୍ଗାରୁଜା କରିଛନ୍ତି। ଘଟଣାସ୍ଥଳକୁ ଆଜି ସକାଳେ ବ୍ୟାଙ୍କର ଅନ୍ତରା ଶାଖା ପରିଚାଳକ ଦିଗମ୍ବର ଦାସ ଆସି ଭାଙ୍ଗିଥିବା ଏଟିଏମକୁ ତଦାରଖ କରିଥଲେ। ଏ ବିଷୟରେ ସେ ସିମୁଳିଆ ଥାନାକୁ ଜଣାଇଥିଲେ। ପୋଲିସ ପହଞ୍ଚି ତଦନ୍ତ ଚଳାଇଛି। ତେବେ ଦୁର୍ବୃତ୍ତମାନେ ଏଟିଏମ ଭଙ୍ଗାରୁଜା କରିଥିଲେ ମଧ୍ୟ କୌଣସି ଟଙ୍କା ନେଇପାରି ନ ଥିବା ଶାଖା ପରିଚାଳକ ଦାସ ସୂଚନା ଦେଇଛନ୍ତି।