Before Header

ହତ୍ୟା ଅଭିଯୁକ୍ତଙ୍କୁ ଗିରଫ କରୁନି ପୋଲିସ, ଏସପିଙ୍କୁ ଭେଟିଲେ ପୀଡ଼ିତ ପରିବାର

0 130

ଭୁବନ, (ବଡ଼ ଖବର ବ୍ୟୁରୋ): ହତ୍ୟାର ଏକ ମାସେ ପରେ ମଧ୍ୟ ପୋଲିସ ହାତ ଖାଲି। ଢେଙ୍କାନାଳ ଜିଲ୍ଲା ଭୁବନ ଥାନା ଅନନ୍ତପୁର ଗ୍ରାମର ଯଶୋବନ୍ତ ପ୍ରଧାନ (୪୪)ଙ୍କୁ ସେପ୍ଟେମ୍ବର ୨୨ରେ ଯାଜପୁର ଜିଲ୍ଲାର କିଛି ଲୋକ ବାଡ଼େଇ ମାରି ଦେଇଥିବା ଅଭିଯୋଗ ହୋଇଥିଲା। ଯଶୋବନ୍ତଙ୍କ ସ୍ତ୍ରୀ କୃଷ୍ଣାରାଣୀ ଏ ନେଇ ଥାନାରେ ଲିଖିତ ଅଭିଯୋଗ କରିଥିଲେ। ଏ ଭିତରେ ଘଟଣାକୁ ୨୭ ଦିନ ବିତିଯାଇଥିଲେ ମଧ୍ୟ ଅଭିଯୁକ୍ତମାନଙ୍କୁ ପୋଲିସ ଗିରଫ କରୁନାହିଁ। ଫଳରେ ସେମାନେ ରାସ୍ତାଘାଟରେ ପରିବାର ଲୋକଙ୍କୁ ଅଟକାଇ ବିଭିନ୍ନ ଧମକ ସହ ଜୀବନରେ ମାରିଦେବାକୁ ଧମକ ମଧ୍ୟ ଦେଉଛନ୍ତି।

ଅଭିଯୁକ୍ତମାନେ ଖୁଲମଖୁଲା ଘୂରି ବୁଲୁଥିବାରୁ ପରିବାର ଲୋକଙ୍କ ଜୀବନ ଅସୁରକ୍ଷିତ ବୋଲି କହିଛନ୍ତି କୃଷ୍ଣାରାଣୀ। ଭୁବନ ପୋଲିସର ନିଷ୍କ୍ରିୟତା ଏବଂ ତୁରନ୍ତ ଦୋଷୀମାନଙ୍କ ବିରୋଧରେ କାର୍ୟ୍ୟାନୁଷ୍ଠାନ ଗ୍ରହଣ କରିବା ଦାବିରେ କୃଷ୍ଣାରାଣୀ ଆଜି ଏସପିଙ୍କ ନିକଟରେ ଲିଖିତ ଅଭିଯୋଗ କରିଛନ୍ତି। ଏସପି ଜଗମୋହନ ମିନା ଅଭିଯୁକ୍ତମାନଙ୍କୁ ତୁରନ୍ତ ଗିରଫ କରିବା ସହିତ ପରିବାରକୁ ସୁରକ୍ଷା ଦେବା ପାଇଁ ଭୁବନ ଆଇଆଇସିଙ୍କୁ ନିର୍ଦ୍ଦେଶ ଦେଇଛନ୍ତି।

Leave A Reply

Your email address will not be published.