ବିପଦ ସଂଙ୍କୁଳ ଅବସ୍ଥାରେ ଥାନାଗୃହ

ଚାନ୍ଦବାଲି(ବଡ଼ ଖବର ବ୍ୟୁରୋ): ବିପଦ ସଂଙ୍କୁଳ ଅବସ୍ଥାରେ ବାଂଶଡା ଥାନାଗୃହ । ନୂତନ ଥାନା କାର୍ଯ୍ୟାଳୟ ପାଇଁ ଅଞ୍ଚଳ ବାସୀଙ୍କ ଦାବି । ବିପଦ ପୂର୍ଣ୍ଣଭାବେ କାର୍ଯ୍ୟ କରୁଛନ୍ତି ପୋଲିସ କର୍ମଚାରୀ। ଏମିତି ଏକ ଘଟଣା ଦେଖିବାକୁ ମିଳିଛି ଭଦ୍ରକ ଜିଲ୍ଲା ବାଂଶଡା ଥାନାରେ । ଦୀର୍ଘବର୍ଷ ଧରି ତିଆରି ହୋଇଥିବା ବାଂଶଡା ଥାନା ଏବେ ଜରାଜୀର୍ଣ୍ଣ ଅବସ୍ଥାରେ । ପୋଲିସ କାର୍ଯ୍ୟ କରୁଥିବା ସ୍ଥାନରେ ଛାତ ଫାଟି ରଡ ଦେଖା ଯାଉଛି ।

ଚାରିଆଡ଼େ ଛାତଫାଟି ଆଁ କରିଛି । ଅନେକ ଅସୁବିଧାର ସମ୍ମୁଖୀନ ହେଉଛନ୍ତି ପୋଲିସ କର୍ମଚାରୀ ମାନେ। ଏନେଇ ଅଞ୍ଚଳ ବାସୀଙ୍କ ଅଭିଯୋଗ ଦେଖିବାକୁ ମିଳିଛି । ସେମାନଙ୍କ କହିବା କଥା ସୁରକ୍ଷା ଦେଉଥିବା ସୁରକ୍ଷା ଦାତା ପୋଲିସ କର୍ମଚାରୀ ଯେଉଁଠି ସୁରକ୍ଷିତ ନୁହେଁ ସୁରକ୍ଷା ପାଇଁ ଥାନାକୁ ଯାଇଥିବା ଲୋକଟି କେତେ ସୁରକ୍ଷିତ ଏଥିରୁ ଜଣା ପଡୁଛି। ଅଞ୍ଚଳ ବାସୀଙ୍କ ଅଭିଯୋଗ ରାଜ୍ୟ ସରକାର ଏଥିରେ ତଦନ୍ତ କରି ନୂତନ ଥାନାଗୃହ ଯୋଗାଇ ଦେବା ସହିତ ପୋଲିସ କର୍ମଚାରୀ ରହିବା ପାଇଁ ନୂତନ ଗୂହ ନିର୍ମାଣ କରିବା ପାଇଁ ଦାବି କରିଛନ୍ତି।