ବ୍ରିଜ ଉପରୁ ଖସିପଡ଼ିଲା ଟ୍ରକ, ଅଳ୍ପକେ ବର୍ତ୍ତିଲେ ଲୋକେ

ଭଦ୍ରକ(ବଡ଼ ଖବର ବ୍ୟୁରୋ): ଭଦ୍ରକ୧୬ ନମ୍ବର ଜାତୀୟ ରାଜପଥରେ ଅଘଟଣ । ପୋଲ ଉପରୁ ଭାରସାମ୍ୟ ହରାଇ ଖସି ପଡ଼ିଲା ଟ୍ରକ । ଟ୍ରକ ଖସିପଡିବା ଫଳରେ ରାସ୍ତା ଉପରେ ଠିଆ ହୋଇଥିବା ଏକ ବାଇକ ଚାପି ହୋଇଥିବା ବେଳେ ବାଇକ ଚାଳକ ଅଳ୍ପକେ ବର୍ତ୍ତିଯାଇଛନ୍ତି । ତେବେ ୧୬ ନମ୍ବର ଜାତୀୟ ରାଜପଥର ଭଦ୍ରକ ଚରମ୍ପା ନିକଟରେ ପୋଲରୁ ଖସି ପଡିଛି ଲୁହା ବୋଝେଇ ଟ୍ରକ ।

ଟ୍ରକଟି ଏକ ବାଇକ ଉପରେ ପଡିଯାଇଥିବା ବେଳେ ବାଇକ ଚାଳକ ଅଳ୍ପକେ ବର୍ତ୍ତି ଯାଇଛନ୍ତି । ଟ୍ରକଟି ଅନୁଗୁଳରୁ ରଡ ବୋଝେଇ କରି ବାରିପଦା ଅଭିମୁଖେ ଯାଉଥିବା ବେଳେ କୌଣସି କାରଣ ବଶତଃ ତଳକୁ ଖସିପଡ଼ିଥିଲା । ଟ୍ରକର ଡ୍ରାଇଭର ସୁରକ୍ଷିତ ଥିବା ବେଳେ ଟ୍ରକ ଟି ଅନେକାଂଶରେ କ୍ଷତି ହୋଇଛି ।