ପାରାଦ୍ୱୀପ(ବଡ଼ ଖବର ବ୍ୟୁରୋ):ପାରାଦ୍ଵୀପ ବନ୍ଦରର ପବ୍ଲିକ ହେଲଥ ଅଫିସରେ ଚାଲିଛି ସିବିଆଇ ରେଡ। ୫୦ ହଜାର ଲାଞ୍ଚ କାରବାର ବେଳେ ଧରିଲା ସିବିଆଇ। ପୋର୍ଟର ହେଲଥ ଅଫିସର ଡାକ୍ତର ଆର.ଏନ ପାଣିଗ୍ରାହୀଙ୍କ ନିକଟରୁ ଜବତ ହେଲା ଟଙ୍କା। କଲିକତାର ଏମିଏନସ୍ସ ସିପିଂ ଏଜେନ୍ସୀ ଠାରୁ ନେଉଥିଲେ ୫୦ ହଜାର ଟଙ୍କା । ଗୋଟିଏ ଜାହାଜର ନାବିକ ମାନଙ୍କର ହେଲଥ କ୍ଲିୟରାନ୍ସ ସାର୍ଟିଫିକେଟ ପାଇଁ ସିପିଂ ଏଜେନ୍ସି ଠାରୁ ଜଣ ପିଛା (୧୫୦୦) ଦେଢ ହଜାର ଟଙ୍କା ଦାବି କରିଥିଲେ ଡାକ୍ତର ରାଜେନ୍ଦ୍ର ନାରାୟଣ ପାଣିଗ୍ରାହୀ ।
ଜାହାଜରେ ଅଛନ୍ତି ୮୦ ଜଣ ନାବିକ । ଏହାକୁ ନେଇ ସିବିଆଇ ନିକଟରେ ଏଜେନ୍ସି ଅଭିଯୋଗ କରିବା ପରେ ୫୦,୦୦୦ ହଜାର ଟଙ୍କା ଦେବାକୁ ଫାଇନାଲ ହୋଇଥିଲା। ଆଜି ଏଜେନ୍ସି ପକ୍ଷରୁ ଭୁଇଁଆ ଛକ ନିକଟ ପବ୍ଲିକ ହେଲଥ ଅଫିସରେ ଡାକ୍ତର ଆର.ଏନ ପାଣିଗ୍ରାହୀଙ୍କୁ ଟଙ୍କା ଦେବା ବେଳେ ମାଡି ବସିଥିଲା ସିବିଆଇ। ସିବିଆଇର ୧୦ ଜଣିଆ ଟିମ୍ ଏହି ଚଢ଼ାଉରେ ସାମିଲ ହୋଇଛନ୍ତି। ଅଫିସ ର ବିଭିନ୍ନ କାଗଜପତ୍ର ଯାଞ୍ଚ୍ ଚାଲିଛି।
