ବଙ୍ଗୋମୁଣ୍ଡା(ବଡ଼ ଖବର ବ୍ୟୁରୋ): ଖଡ଼ିଆଳ ରାସ୍ତାର ଫୁଗୁଡା ଛକ ନିକଟ ବୁଲାଣି ନିକଟରେ ବୋଲେରୋ- ଟ୍ରକ ଦୁର୍ଘଟଣା ଘଟିଛି ।୨ଜଣଙ୍କ ଘଟଣା ସ୍ଥଳରେ ମୃତ୍ୟୁ ହୋଇଥିବା ବେଳେ ୨ ଜଣ ଆହତ ହୋଇଛନ୍ତି । ଆହତଙ୍କୁ ବଙ୍ଗୋମୁଣ୍ଡା ଅଗ୍ନିଶମ ବିଭାଗର କର୍ମଚାରୀ ଉଦ୍ଧାର କରି କଣ୍ଟାବାଞ୍ଜି ସ୍ୱାସ୍ଥ୍ୟକେନ୍ଦ୍ରକୁ ଚିକିତ୍ସା ପାଇଁ ନେଇଥିବା ଜଣାପଡିଛି ।
ଘଟଣାସ୍ଥଳରୁ ଟ୍ରକ ଡ୍ରାଇଭର ଫେରାର ମାରିଛି । ବୋଲେରୋଟି ବଙ୍ଗୋମୁଣ୍ଡା ପଟରୁ ଖଡ଼ିଆଳ ପଟକୁ ଯାଉଥିଲା ।ଖଡ଼ିଆଳ ପଟରୁ ଟ୍ରକ ଆସୁଥିବା ବେଳେ ଏହି ମର୍ମନ୍ତୁଦ ଘଟଣା ଘଟିଛି ।ମୃତକଙ୍କ ବର୍ତ୍ତମାନ ପର୍ୟ୍ୟନ୍ତ ପରିଚୟ ମିଳି ପାରିନଥିବା ବେଳେ ବଙ୍ଗୋମୁଣ୍ଡା ପୋଲିସ ଘଟଣା ସ୍ଥଳରେ ପହଁଚି ତଦନ୍ତ ଆରମ୍ଭ କରିଛି ।
