ଫାଟିଗଲା ପ୍ରେସରକୁକର

କାମାକ୍ଷାନଗର(ବଡ଼ ଖବର ବ୍ୟୁରୋ): ଢେଙ୍କାନାଳ ଜିଲ୍ଲା କଙ୍କଡ଼ାହାଡ଼ ଥାନା ମକୁଆକାଟେଣୀ ଗାଁରେ ରୋଷେଇ କଲା ବେଳେ ପ୍ରେସରକୁକର ଫାଟି ମହିଳା ଗୁରୁତର । ଗୁରୁତର ମହିଳା ହେଉଛନ୍ତି ରାକେଶ ସାହୁଙ୍କ ସ୍ତ୍ରୀ ବବିତା ସାହୁ । ବବିତା ସନ୍ଧ୍ୟାରେ ନିଜ ଘରେ ପ୍ରେସରକୁକରରେ ରୋଷେଇ କରୁଥିବା ବେଳେ ଘଟିଥିଲା ଅଘଟଣ । ଗୁରୁତର ସବିତାଙ୍କୁ ୧୦୮ ଆମ୍ବୁଲାନ୍ସ ଯୋଗେ କାମାକ୍ଷାନଗର ମେଡ଼ିକାଲରେ ଭର୍ତ୍ତି କରାଯାଇଥିଲା । ଅବସ୍ଥା ସଙ୍କଟାପର୍ଣ୍ଣ ହେବାରୁ ତାଙ୍କୁ ଢେଙ୍କାନାଳ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଛି।