କୁମାରପୂର୍ଣ୍ଣିମାରେ ଚନ୍ଦ୍ରଗ୍ରହଣ ପାଇଁ ମା’ ସମଲେଶ୍ୱରୀଙ୍କ ମନ୍ଦିରରେ ସ୍ୱତନ୍ତ୍ର ନୀତି ନିର୍ଘଣ୍ଟ

ସମ୍ବଲପୁର (ବଡ଼ ଖବର ବ୍ୟୁରୋ): କୁମାରପୂର୍ଣ୍ଣିମାରେ ଚନ୍ଦ୍ରଗ୍ରହଣ ପାଇଁ ମା’ ସମଲେଶ୍ୱରୀଙ୍କ ମନ୍ଦିରେ ସ୍ୱତନ୍ତ୍ର ନୀତି ନିର୍ଘଣ୍ଟ । ସକାଳ ୫ଟାରେ ମା’ଙ୍କ ପ୍ରାତ ନୀତିକାନ୍ତି ଓ ମଙ୍ଗଳ ଆଳତି ହେବ । ୬ଟାରୁ ଦିନ ୧୧ଟା ୪୫ ମିନିଟ ଯାଏଁ ସାଧାରଣ ଦର୍ଶନ କରାଯିବ । ୧୧.୪୫ରୁ ଦିନ ୨ଟା ଯାଏଁ ମା’ ସମଲେଶ୍ୱରୀଙ୍କ ମନ୍ଦିରରେ ବନ୍ଦ ରହିବ ସାଧାରଣ ଦର୍ଶନ ।

ଏହି ସମୟରେ ମା’ଙ୍କ ଅନ୍ନଭୋଗ ଲାଗି ହେବା ସହ ମା’ଙ୍କ ଶୃଙ୍ଗାର ଓ ରାଜରାଜେଶ୍ୱରୀ ବେଶ ଅନୁଷ୍ଠିତ ହେବ । ସେପଟେ ମା’ଙ୍କ ମନ୍ଦିରରେ ଧ୍ୱଜାରୋହଣ ପର୍ବ ଓ ମହାଦୀପ ଉଠିବ । ଅପରାହ୍ନ ୨ଟାରୁ ଦିନ ୩.୧୫ ଯାଏଁ ଭକ୍ତଙ୍କ ପାଇଁ ଦର୍ଶନର ସୁଯୋଗ ରହିବ । ତାପରେ ୩ ଟା ୧୫ରୁ ଚନ୍ଦ୍ରଗ୍ରହଣ ପାଇଁ ମନ୍ଦିର ଦର୍ଶନ ବନ୍ଦ ରହିବ ।