ରାଉରକେଲା (ବଡ଼ ଖବର ବ୍ୟୁରୋ): ସେତୁ ନିର୍ମାଣ ଦାବିରେ ଧାରଣା । ୮ ବର୍ଷ ହେଲା ଅଧପନ୍ତରିଆ ହୋଇ ପଡିରହିଛି ରାଉରକେଲା ମିଟକୁନ୍ଦରିରେ ଦେଓ ନଦୀ ଉପରେ ସେତୁ ନିର୍ମାଣ କାମ । ବିପଦ ସଙ୍କୁଳ ଅବସ୍ଥାରେ ନଦୀ ପାର୍ ହେଉଛନ୍ତି ଲୋକେ । ଦାବି ପୂରଣ ନହେବା ଯାଏଁ ଧାରଣା ଜାରି ରହିବ ବୋଲି କୁହାଯାଇଛି ।
୮ ବର୍ଷ ହେଲା କାମ ସରିନଥିବା ବେଳେ ବର୍ଷେ ହେଲା କାମ ବନ୍ଦ ରହିଛି । ଅଂଚଳର ୨୦ହଜାରରୁ ଅଧିକ ଲୋକ ସମସ୍ୟାର ସମ୍ମୁଖୀନ ହେଉଛନ୍ତି । ସେତୁ ନିର୍ମାଣରେ ବିଳମ୍ବ ପ୍ରତିବାଦରେ ଗାନ୍ଧୀ ଜୟନ୍ତୀରୁ ଯୁବ ସମାଜସେବୀ ମୁକ୍ତିକାନ୍ତ ବିଶ୍ୱାଳ ଗଣଧାରଣା ଦେଇଛନ୍ତି । ଧାରଣାରେ ବୀରମିତ୍ରପୁର ବିଧାୟକ ଶଙ୍କର ଓରାମ ମଧ୍ୟ ସାମିଲ ହୋଇ ଜଳସତ୍ୟାଗ୍ରହ କରିଥିଲେ ।
