ସବୁଦିନ ମନେ ରହିବେ ସହିଦ

ଭଦ୍ରକ, (ବଡ଼ ଖବର ବ୍ୟୁରୋ): ଆଜି ସାରା ଦେଶ ପାଳନ କରୁଛି ୬୧ତମ ପୋଲିସ ସହିଦ ଦିବସ । ଏହି ଅବସରରେ ଆଜି ଭଦ୍ରକ ରିଜର୍ଭ ପୋଲିସ ପଡିଆରେ ୬୧ ତମ ପୋଲିସ ସହିଦ ଦିବସ ପାଳିତ ହୋଇଯାଇଛି । ଏହି ଉପଲକ୍ଷେ ଆୟୋଜିତ ପରେଡ଼ରେ ଭଦ୍ରକ ଏସପି ରାଜେଶ ପଣ୍ଡିତ ଯୋଗଦେଇ ସହିଦ ପୋଲିସ କର୍ମଚାରୀଙ୍କୁ ସ୍ମରଣ କରି ସେମାନଙ୍କ କର୍ତ୍ତବ୍ୟନିଷ୍ଠା ଉପରେ ଆଲୋପାତ କରିଥିଲେ । ଏଥିରେ ଅତିରିକ୍ତ ଏସପି କୈଳାସ ପରିଡା, ବିକାଶ ଦାସ, ଏସଡିପିଓ ସାର୍ଥକ ରାୟଙ୍କ ସମେତ ବରିଷ୍ଠ ପୋଲିସ ଅଧିକାରୀମାନେ ଯୋଗଦେଇ ସହିଦ ପୋଲିସଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ ଦେଇଥିଲେ । ପରେ ଆୟୋଜିତ ହୋଇଥିଲା ପରେଡ । ଏହି କାର୍ଯ୍ୟକ୍ରମରେ ଜିଲ୍ଲାର ବହୁ ପୋଲିସ କର୍ମଚାରୀ ଯୋଗଦେଇଥିଲେ ।