ମୁମ୍ବାଇ (ବଡ଼ ଖବର ବ୍ୟୁରୋ): ଶେଷ ପର୍ଯ୍ୟାୟରେ ୨୦୨୩ ୱାର୍ଲଡ କପ । ୧୯ ନଭେମ୍ବରରେ ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଫାଇନାଲ ଖେଳା ଯିବ । ସମସ୍ତଙ୍କ ମନରେ ଉତ୍ସାହ । ଏବେ ଅହମ୍ମଦାବାଦ ରାଜରାସ୍ତ ଜନସମୁଦ୍ର ହେବାରେ ଲାଗିଲାଣି । ରୋହିତ ଶର୍ମାଙ୍କ ନେତୃତ୍ୱରେ ଟିମ୍ ଇଣ୍ଡିଆ ଭଲ ପ୍ରଦର୍ଶନ କରିଛି । କିନ୍ତୁ ଅନ୍ତିମ ମ୍ୟାଚ୍ ପାଇଁ ରୋହିତ ଏକ ଅସ୍ତ୍ର ରଖିଛନ୍ତି । ବାସ୍ତବରେ ଟିମ୍ ଇଣ୍ଡିଆର ଅଧିନାୟକ ରୋହିତ ଶର୍ମା ଗତ ୬ଟି ମ୍ୟାଚ୍ ପାଇଁ ଦଳରେ କୌଣସି ପରିବର୍ତ୍ତନ କରିନାହାଁନ୍ତି ।
କାରଣ ଦଳ କ୍ରମାଗତ ଭାବେ ସମସ୍ତ ମ୍ୟାଚ୍ ଜିତି ଆସୁଛି । ଯଦିଓ ଭାରତ ଏହାର ପ୍ରଥମ ଚାରିଟି ମ୍ୟାଚ୍ ଜିତିଥିଲା, କିନ୍ତୁ ହାର୍ଦ୍ଦିକ ପାଣ୍ଡ୍ୟାଙ୍କ ଆଘାତ ପରେ ଭାରତ ଦୁଇଟି ପରିବର୍ତ୍ତନ କରିବାକୁ ବାଧ୍ୟ ହୋଇଥିଲା ଏବଂ ପରେ ଦଳ ସେମିଫାଇନାଲ ସମେତ କ୍ରମାଗତ ୬ଟି ମ୍ୟାଚ୍ ଜିତିଥିଲା। କିନ୍ତୁ ଫାଇନାଲ ମ୍ୟାଚ ଅଷ୍ଟ୍ରେଲିଆ ବିପକ୍ଷରେ ଥିବାରୁ ରୋହିତ ତାଙ୍କ ଦଳରେ ପରିବର୍ତ୍ତନ ଆଣିପାରନ୍ତି । ଏହି ବିଶ୍ୱକପ୍ର ଦ୍ୱିତୀୟ ସେମିଫାଇନାଲ ମ୍ୟାଚ୍ରେ ଅଷ୍ଟ୍ରେଲିଆର ବ୍ୟାଟ୍ସମ୍ୟାନ୍ ଦକ୍ଷିଣ ଆଫ୍ରିକାର ସ୍ପିନରଙ୍କ ବିପକ୍ଷରେ ବହୁ ସଂଘର୍ଷ କରିଥିଲେ। ଏଥି ସହିତ ଭାରତ ବିପକ୍ଷ ପ୍ରଥମ ମ୍ୟାଚରେ ମଧ୍ୟ ଅଷ୍ଟ୍ରେଲିଆ ଦଳ ଭାରତୀୟ ସ୍ପିନରଙ୍କ ସାମ୍ନାରେ ସଂଘର୍ଷ କରିଥିଲା ।
ଏହା ବ୍ୟତୀତ ବିଶ୍ୱକପ ଆରମ୍ଭ ପୂର୍ବରୁ ଟିମ୍ ଇଣ୍ଡିଆ ଅକ୍ଷର ପଟେଲଙ୍କ ସ୍ଥାନରେ ରବିଚନ୍ଦ୍ରନ ଅଶ୍ୱିନଙ୍କୁ ଦଳରେ ସାମିଲ କରିଥିଲା। ଅଷ୍ଟ୍ରେଲିଆ ମ୍ୟାଚ୍ ପାଇଁ ଅଶ୍ୱିନଙ୍କୁ ବିଶେଷ ଭାବରେ ଅନ୍ତର୍ଭୁକ୍ତ କରାଯାଇଥିଲା । ଏପର୍ୟ୍ୟନ୍ତ ସେ ଚେନ୍ନାଇରେ ଅଷ୍ଟ୍ରେଲିଆ ବିପକ୍ଷ ପ୍ରଥମ ମ୍ୟାଚ୍ ଖେଳିବାର ସୁଯୋଗ ପାଇଛନ୍ତି। ବିଶ୍ୱକପ ଆରମ୍ଭ ପୂର୍ବରୁ ଅଷ୍ଟ୍ରେଲିଆ ବିପକ୍ଷ ଘରୋଇ ଦିନିକିଆ ସିରିଜରେ ମଧ୍ୟ ଅଶ୍ୱିନ ମଧ୍ୟ ଭଲ ପ୍ରଦର୍ଶନ କରିଥିଲେ। ଏହା ବ୍ୟତୀତ ଅଷ୍ଟ୍ରେଲୀୟ ଦଳରେ ଡେଭିଡ ୱାର୍ଣ୍ଣର ଏବଂ ଟ୍ରାଭିସ୍ ହେଡଙ୍କ ପରି ଉଭୟ ଓପନର୍ ହେଉଛନ୍ତି ବାମହାତୀ ବ୍ୟାଟ୍ସମ୍ୟାନ୍ ।
ଯେଉଁମାନେ ଏହି ସମଗ୍ର ବିଶ୍ୱକପରେ ବହୁ ରନ୍ ସ୍କୋର କରିଛନ୍ତି। ତେବେ ବାମହାତୀ ବ୍ୟାଟ୍ସମ୍ୟାନଙ୍କ ପାଇଁ ଅଶ୍ୱିନ୍ ସର୍ବଦା ଘାତକ ସାବ୍ୟସ୍ତ ହୋଇଥିବାବେଳେ ଏହି ସବୁ କାରଣକୁ ଧ୍ୟାନରେ ରଖି ରୋହିତ ଶର୍ମା ରବିଚନ୍ଦ୍ରନ ଅଶ୍ୱିନଙ୍କୁ ସୂର୍ଯ୍ୟକୁମାର ଯାଦବ କିମ୍ବା ମହମ୍ମଦ ସିରାଜଙ୍କ ସ୍ଥାନରେ ଖେଳିବାର ସୁଯୋଗ ଦେଇପାରିବେ। ସ୍ପିନ୍ ବୋଲିଂ ସହିତ ଅଶ୍ୱିନ୍ ମଧ୍ୟ ଭଲ ବ୍ୟାଟିଂ କରିବାରେ ସକ୍ଷମ ।
