ବିଦ୍ୟୁତ ଆଘାତରେ ଜଣେ ମୃତ

କେନ୍ଦ୍ରାପଡ଼ା (ବଡ଼ ଖବର ବ୍ୟୁରୋ): ବିଦ୍ୟୁତ ସଂପର୍ଷରେ ଆସି ଚାଲିଗଲା ପୂଜକଙ୍କ ଜୀବନ । ଟାଟା ପାୱାରର ଖାମଖିଆଲି ଯୋଗୁଁ କେନ୍ଦ୍ରାପଡ଼ା ରାଜକନିକା ଜାଗୁଳାଇପଡା ଗାଁର ଜଣେ ପୂଜକଙ୍କର ମୃତ୍ୟୁ ହୋଇଥିବା ଅଭିଯୋଗ ହୋଇଛି । କ୍ଷତି ପୂରଣ ଦାବିରେ ଆଜି ଜାଗୁଳାଇପଡା ଗାଁର ଲୋକେ ଏକତ୍ରିତ ହୋଇ ରାଜକନିକା ସେକ୍ସନ କାର୍ୟ୍ୟାଳୟ ଆଗରେ ବିକ୍ଷୋଭ କରିବା ସହ ବିଦ୍ୟୁତ କାର୍ୟ୍ୟାଳୟ ଘେରିଥିଲେ। ଗାଁ ମୁଣ୍ଡରେ ଥିବା ଟ୍ରାନ୍ସଫର୍ମର ସଟ ସର୍କିଟ ହୋଇ ପୂଜକଙ୍କର ମୃତ୍ୟୁ ହୋଇଛି । ମୃତକଙ୍କ ପରିବାରକୁ କୋଡିଏ ଲକ୍ଷ ଟଙ୍କା କ୍ଷତିପୂରଣ ଦାବିକରି ଗାଁ ଲୋକେ ରାଜକନିକା ଟାଟା ପାୱାର କାର୍ୟ୍ୟାଳୟ ଆଗରେ ଧାରଣା ଦେଇଛନ୍ତି ।