Masthead

ଜମିବାଡ଼ି ବିବାଦକୁ ନେଇ ଗଣ୍ଡଗୋଳ; ୩ଗୁରୁତର,୨ଆହତ

ଚାନ୍ଦବାଲି (ବଡ଼ ଖବର ବ୍ୟୁରୋ): ଜମିବାଡି ବିବାଦକୁ କେନ୍ଦ୍ରକରି ଗଣ୍ଡଗୋଳ । ଏଭଳି ଘଟଣା ଦେଖିବାକୁ ମିଳିଛି ଭଦ୍ରକ ଜିଲ୍ଲା ତିହିଡି ଥାନା ବୋଡକ ପଞ୍ଚାୟତରେ । ବୋଡକ ପଞ୍ଚାୟତ ଅଧିନ ନୁନ୍ଦର ଗାଁରେ ଜମିବାଡି ବିବାଦକୁ କେନ୍ଦ୍ରକରି ଦୁଇ ପରିବାର ମଧ୍ୟରେ ଗଣ୍ଡଗୋଳ ଘଟିଛି । ଏହି ଗଣ୍ଡଗୋଳରେ ନରେନ୍ଦ୍ର ତ୍ରିପାଠୀଙ୍କ ପରିବାରରେ ବୃଦ୍ଧା ମାତା ସମେତ ୩ ଜଣ ଗୁରୁତର ହୋଇଥିବା ବେଳେ ୨ ଜଣ ଆହତ ହୋଇ ମେଡିକାଲରେ ଭର୍ତ୍ତୀ ହୋଇଛନ୍ତି । ତେବେ ମରଣାନ୍ତକ ଆକ୍ରମଣ ସମୟର ଭିଡିଓ ପୋଲିସର ହସ୍ତଗତ ହେବାପରେ ଅପରପକ୍ଷରୁ ୩ ଜଣଙ୍କୁ ଥାନାରେ ଅଟକ ରଖି ତଦନ୍ତ ଚଳାଇଛି ପୋଲିସ। ଜମିବାଡିକୁ ବିବାଦକୁ ନେଇ କିଛି ବର୍ଷ ହେଲା ଦୁଇ ପରିବାର ମଧ୍ୟରେ ତିକ୍ତତା ଲାଗି ରହିଥିଲା । ଗତକାଲି ନରେନ୍ଦ୍ର ତ୍ରିପାଠୀଙ୍କ ଗୃହର ପିଲର ସମେତ ବାଡକୁ ଉପାଡି ଗଣ୍ଡଗୋଳ କରିଥିଲେ ଅପରପକ୍ଷ । ଯାହାକୁ ନେଇ ନରେନ୍ଦ୍ର ତ୍ରିପାଠୀ ଥାନାରେ ଏତଲା ଦେଇଥିଲେ । ସଂଧ୍ୟାରେ ପୋଲିସ ତଦନ୍ତ କରୁଥିବା ବେଳେ ମଧ୍ୟ ଅପରପକ୍ଷ ଆକ୍ରମଣ କରିବାକୁ ଉଦ୍ୟମ କରିଥିଲେ ।

ଯାହାକୁ ନେଇ ପୋଲିସ ଉଭୟ ପକ୍ଷଙ୍କୁ ଆଜି ସକାଳେ ଥାନାକୁ ଆସିବାକୁ କହିଥିଲେ । ମାତ୍ର ଆଜି ସକାଳେ ନରେନ୍ଦ୍ର ତ୍ରିପାଠୀ ପକ୍ଷ ଥାନାକୁ ଆସିବା ପାଇଁ ଘରୁ ବାହାରୁଥିବା ବେଳେ ଅପରପକ୍ଷ ବାଡି ଠେଙ୍ଗା ଧରି ଆକ୍ରମଣ କରିଥିଲେ । ଗଣ୍ଡଗୋଳରେ ଗୁରୁତର ଆହତଙ୍କୁ ପ୍ରଥମେ ତିହିଡି ମେଡିକାଲରେ ଭର୍ତ୍ତି କରାଯାଇଥିଲା । ପରେ ଅଧିକ ଗୁରୁତର ହେବାରୁ ବୃଦ୍ଧା ତୁଳସୀଙ୍କୁ ଭଦ୍ରକ ଡାକ୍ତରଖାନାକୁ ଏବଂ ସୁରେନ୍ଦ୍ରଙ୍କୁ କଟକ ବଡ ମେଡିକାଲକୁ ସ୍ଥାନାନ୍ତର କରାଯାଇଥିବା ପରିବାର ପକ୍ଷରୁ ସୂଚନା ମିଳିଛି । ଉଭୟ ପକ୍ଷଙ୍କ ଏତଲାକୁ ଭିତ୍ତିକରି ଥାନାରେ ଦୁଇଟି ମାମଲା ରୁଜୁ ହୋଇଛି ଓ ଆଜିର ଏତଲାକୁ ନେଇ ତଦନ୍ତ ଜାରି ରହିଛି ଏବଂ ଅପରପକ୍ଷଙ୍କ ମଧ୍ୟରୁ ୩ ଜଣଙ୍କୁ ଥାନାରେ ଅଟକ ରଖି ପୋଲିସ ପଚରା ଉଚରା କରୁଛି ।

ଆଗକୁ ପଢନ୍ତୁ
ବ୍ରେକିଙ୍ଗ୍ ନ୍ୟୁଜ୍
🔴 ‘ଏଫଏମ୍ ଛାତ୍ରୀଙ୍କ ଆତ୍ମାହୁତି ଉଦ୍ୟମ ପାଇଁ ଦାୟୀ କଲେଜ କର୍ତ୍ତୃପକ୍ଷ’ 🔴 ‘ଘଟଣାକୁ ଗୁରୁତ୍ୱର ସହ ନିଆଯାଇଛି’ 🔴 ନାଳ ସାଜୁଛି କାଳ 🔴 ହଷ୍ଟେଲ ଖାଦ୍ୟ ଖାଇ ୪୭ ଛାତ୍ର ଅସୁସ୍ଥ 🔴 ଆଜିଠୁ ତିନି ଦିନ ପ୍ରବଳ ବର୍ଷା ସମ୍ଭାବନା 🔴 ନିର୍ବାଚନ ଲଢ଼ିବେନି ଜୁଏଲ ଓରାମ 🔴 ରାଜ୍ୟରେ ସ୍ବାଭାବିକ ହେଲା ଘରୋଇ ବସ୍ ଚଳାଚଳ 🔴 ବିମାନ ଦୁର୍ଘଟଣା, ଆସିଲା ତଦନ୍ତ ରିପୋର୍ଟ 🔴 ପ୍ରେମ କରିବା ପଡିଲା ମହଙ୍ଗା 🔴 ଚୋର ଭାବି ପୁଲିସକୁ ନିସ୍ତୁକ ମାଡ଼ 🔴 ‘ଏଫଏମ୍ ଛାତ୍ରୀଙ୍କ ଆତ୍ମାହୁତି ଉଦ୍ୟମ ପାଇଁ ଦାୟୀ କଲେଜ କର୍ତ୍ତୃପକ୍ଷ’ 🔴 ‘ଘଟଣାକୁ ଗୁରୁତ୍ୱର ସହ ନିଆଯାଇଛି’ 🔴 ନାଳ ସାଜୁଛି କାଳ 🔴 ହଷ୍ଟେଲ ଖାଦ୍ୟ ଖାଇ ୪୭ ଛାତ୍ର ଅସୁସ୍ଥ 🔴 ଆଜିଠୁ ତିନି ଦିନ ପ୍ରବଳ ବର୍ଷା ସମ୍ଭାବନା 🔴 ନିର୍ବାଚନ ଲଢ଼ିବେନି ଜୁଏଲ ଓରାମ 🔴 ରାଜ୍ୟରେ ସ୍ବାଭାବିକ ହେଲା ଘରୋଇ ବସ୍ ଚଳାଚଳ 🔴 ବିମାନ ଦୁର୍ଘଟଣା, ଆସିଲା ତଦନ୍ତ ରିପୋର୍ଟ 🔴 ପ୍ରେମ କରିବା ପଡିଲା ମହଙ୍ଗା 🔴 ଚୋର ଭାବି ପୁଲିସକୁ ନିସ୍ତୁକ ମାଡ଼