ଶପଥ ନେବେ ଭଜନଲାଲ୍‌

ରାଜସ୍ଥାନ (ବଡ଼ ଖବର ବ୍ୟୁରୋ): ଶପଥ ନେବେ ଭଜନଲାଲ୍‌ । ରାଜସ୍ଥାନ ମୁଖ୍ୟମନ୍ତ୍ରୀ ଭାବେ ଆଜି ଶପଥ ନେବେ ଭଜନଲାଲ୍‌ ଶର୍ମା । ଜୟପୁରରେ ଶପଥ ପାଠ କରାଇବେ ରାଜ୍ୟପାଳ । ଦୀୟା ସିଂହ ଓ ପ୍ରେମଚାନ୍ଦ ବୈରୱା ଉପମୁଖ୍ୟମନ୍ତ୍ରୀ ଭାବେ ନେବେ ଶପଥ । ଶପଥ ସମାରୋହରେ ଯୋଗଦେବେ ପ୍ରଧାନମନ୍ତ୍ରୀ ମୋଦି । ରାଜସ୍ଥାନରେ ବିଜେପି ଖେଳିଛି ସରପ୍ରାଇଜ କାର୍ଡ । ସବୁ ଚର୍ଚ୍ଚିତ ନାଁ କୁ ଆଡେଇ ଦେଇ ଭଜନ ଲାଲଙ୍କ ମଥାରେ ରାଜସ୍ଥାନର ରାଜତିଳକ କରିଛି ବିଜେପି ।

ରାଜସ୍ଥାନରେ ତୀବ୍ର ଆଶାୟୀ ବସୁନ୍ଧରା ରାଜେ ସିନ୍ଧିଆଙ୍କୁ ଭଜନଲାଲଙ୍କ ପାଇଁ ପ୍ରସ୍ତାବକ ହେବାକୁ ପଡିଥିଲା । ଛତିଶଗଡ଼ରେ ବିଜେପି ଆଦିବାସୀ ସମ୍ପ୍ରଦାୟରୁ ମୁଖ୍ୟମନ୍ତ୍ରୀ ବାଛିଥିବା ବେଳେ ମଧ୍ୟପ୍ରଦେଶରେ ଓବିସି ସମ୍ପ୍ରଦାୟ ଓ ରାଜସ୍ଥାନରେ ବ୍ରାହ୍ମଣ ସମ୍ପ୍ରଦାୟର ଭଜନଲାଲ ଶର୍ମା ମୁଖ୍ୟମନ୍ତ୍ରୀ ହେବେ । ଭଜନଲାଲ ଶର୍ମା ମାତ୍ର ଥରଟିଏ ବିଧାୟକ ହୋଇଛନ୍ତି । ଏହି ତିନି ରାଜ୍ୟରେ ନୂଆ ମୁଖ୍ୟମନ୍ତ୍ରୀ ନାଁ ସହିତ ବିଜେପିରେ ନୂଆ ଯୁଗର ରାଜନୀତି ଆଉ ଟିକିଏ ଆଗକୁ ବଢିଛି ।