ବକେୟା ଅର୍ଥ ଦାବିରେ ଆମରଣ ଅନଶନରେ ବସିଲେ ପୂର୍ବତନ ସରପଞ୍ଚ ଓ ତାଙ୍କ ସ୍ୱାମୀ

କଟକ(ବଡ଼ ଖବର ବ୍ୟୁରୋ): ଆମରଣ ଅନଶନରେ ବସିଲେ ପୂର୍ବତନ ସରପଞ୍ଚ ଓ ତାଙ୍କ ସ୍ୱାମୀ । ଆମରଣ ଅନଶନ ଓ ଆତ୍ମଦାହ ପାଇଁ ନିଷ୍ପତି ନେଇ ଜିଲ୍ଲାପାଳଙ୍କ ଅଫିସ୍ ସମ୍ମୁଖରେ ଧାରଣାରେ ବସିଛନ୍ତି ପୂର୍ବତନ ସରପଞ୍ଚ ରଞ୍ଜିତା ନାୟକ ଓ ତାଙ୍କ ସ୍ଵାମୀ । ନିଶ୍ଚିନ୍ତକୋଇଲି ପଞ୍ଚାୟତ ସମିତି ଅଧିନସ୍ଥ ମଣିଜଙ୍ଗ ଗ୍ରାମ ପଞ୍ଚାୟତରେ ୨୦୧୭ ରୁ ୨୦୨୨ ପର୍ଯ୍ୟନ୍ତ ସରପଞ୍ଚ ଥିଲେ ରଞ୍ଜିତା ନାୟକ  । ତାଙ୍କ ସମୟ କାଳ ଭିତରେ CFC, SFC, mgnregs ଏବଂ ଅନ୍ୟ ସ୍କିମରେ ବିଭିନ୍ନ ଉନ୍ନତିମୂଳକ କାର୍ଯ୍ୟ କରାଯାଇଥିଲା । ଯାହାର ବକେୟା ଅର୍ଥ ନମିଳିବା ଓ କାର୍ତୃପକ୍ଷାଙ୍କ ଅବହେଳା ପାଇଁ ସେ ବାରମ୍ବାର ପ୍ରତିବାଦ କରି ଆସୁଥିଲେ । ଯେଉଁଥିପାଇଁ ଆଜି ଜିଲ୍ଲାପାଳଙ୍କ ଅଫିସ ସମ୍ମୁଖରେ ଅନଶନରେ ବସିଛନ୍ତି । ଯଦି ତୁରନ୍ତ ଏହି ସମସ୍ୟାର ସମାଧାନ ନହୁଏ ଓ ତାଙ୍କ ବକେୟା ଅର୍ଥ ନଦିଆଯାଏ ତେବେ ଦରକାର୍ ପଡ଼ିଲେ ଆତ୍ମଦାହ କରିବେ ବୋଲି ଚେତାବନୀ ଦେଇଛନ୍ତି ।