https://youtu.be/iaM6qthFDEg
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ‘କାର୍ଯ୍ୟ କେନ୍ଦ୍ରିକ ରାଜନୀତି’ ପାଇଁ ଆମ ଆଦମୀ ପାର୍ଟି ଆପର ଲୋକପ୍ରିୟତା ହାସଲ କରିଛି । ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ କହିଛନ୍ତି ଜନସାଧାରଣଙ୍କ ମଙ୍ଗଳ ପାଇଁ ଆମେ ବାଛିଥିବା ରାସ୍ତାରେ ଆଗକୁ ବଢିବାକୁ ହେଲେ ଦଳୀୟ କର୍ମୀମାନେ ଜେଲ ଯିବାକୁ ପ୍ରସ୍ତୁତ ହେବା ଉଚିତ୍। ଦିଲ୍ଲୀ ଅବକାରୀ ନୀତି ସହ ଜଡିତ ମନି ଲଣ୍ଡରିଂ ମାମଲାରେ ଜାନୁଆରୀ ୩ରେ ହାଜର ହେବାକୁ ଏନଫୋର୍ସମେଣ୍ଟ ନିର୍ଦ୍ଦେଶାଳୟ (ଇଡି) କେଜ୍ରିୱାଲଙ୍କୁ ଡକାଇଛି।
ଦଳର ଜାତୀୟ ପରିଷଦ (ଏନସି) ବୈଠକରେ ପାର୍ଟି କର୍ମୀଙ୍କୁ ସମ୍ବୋଧିତ କରି ସେ କହିଛନ୍ତି, ଯଦି ଆପଣ ପିଲାମାନଙ୍କୁ ଭଲ ଶିକ୍ଷା ଦିଅନ୍ତି ତେବେ ଆପଣଙ୍କୁ ଜେଲ ଯିବାକୁ ପଡିବ। ଯଦି ଆପଣ ଗରିବ ଲୋକଙ୍କୁ ମାଗଣା ଚିକିତ୍ସା ଦିଅନ୍ତି, ତେବେ ଆପଣଙ୍କୁ ଜେଲ ଯିବାକୁ ପଡିବ। ଜନସାଧାରଣଙ୍କ ମଙ୍ଗଳ ଉଦ୍ଦେଶ୍ୟରେ ଆମେ ବାଛିଥିବା ପଥ ପାଇଁ ଆମକୁ ଜେଲ ଯିବାକୁ ପଡିବ।
ଭିଡିଓ କନଫରେନ୍ସ ମାଧ୍ୟମରେ ଦଳର ଜାତୀୟ କାର୍ଯ୍ୟନିର୍ବାହୀ ତଥା ଦ୍ୱାଦଶ ଜାତୀୟ ପରିଷଦ ବୈଠକରେ ଅଧ୍ୟକ୍ଷତା କରୁଥିବାବେଳେ କେଜ୍ରିୱାଲ କହିଛନ୍ତି, ଗତ ୧୦ ବର୍ଷ ମଧ୍ୟରେ ଆମ ଆଦମୀ ପାର୍ଟି ୧୩୫୦ ରାଜନୈତିକ ଦଳ ମଧ୍ୟରେ ତୃତୀୟ ସ୍ଥାନରେ ପହଞ୍ଚିଛି। ଯଦି ଆମେ ସଫଳ ହୋଇ ନ ଥାନ୍ତେ ଏବଂ କିଛି ଭଲ କାମ କରି ନ ଥାଆନ୍ତେ, ତେବେ ଆମ ଦଳର କୌସି ନେତା ଜେଲକୁ ଯାଇ ନ ଥାନ୍ତେ ଏବଂ ଆଜି ସମସ୍ତେ ନିଜ ପରିବାର ସହିତ ଖୁସି ହୋଇଥାନ୍ତେ।
