୨ ଦିନରେ ୨ ନିଖୋଜ

ବରଗଡ଼ (ବଡ଼ ଖବର ବ୍ୟୁରୋ): କେନାଲରେ ଭାସି ଦୁଇଦିନରେ ଦୁଇଜଣ ନିଖୋଜ । ଏବେ ବି ସେମାନଙ୍କୁ ଖୋଜୁଛନ୍ତି ଅଗ୍ନିଶମ ବିଭାଗ କର୍ମଚାରୀ। ଗତକାଲି ବରଗଡ ସିଦ୍ଧେଶ୍ୱର ନଗର ଅଞ୍ଚଳର ଅବସରପ୍ରାପ୍ତ ଶିକ୍ଷକ ଜଳନ୍ଧର କଲେତ (୭୦) ବରଗଡ଼ ମୁଖ୍ୟ କେନାଲରେ ଗାଧୋଇବା ସମୟ ଭାସି ଯାଇଥିଲେ । ପରେ ସ୍ଥାନୀୟ ଲୋକେ ଅଗ୍ନିଶମ ବିଭାଗକୁ ଖବର ଦେବା ପରେ କର୍ମଚାରୀମାନେ ପ୍ରାୟ ୫ଘଣ୍ଟା ଧରି ଖୋଜିଥିଲେ କିନ୍ତୁ ନିଖୋଜ ଶିକ୍ଷକଙ୍କ ପତ୍ତା ମିଳି ନଥିଲା । ଆଜି ପୁଣି ଜଣେ ସେହି କେନାଲରେ ନିଖୋଜ ହୋଇଯାଇଛନ୍ତି । ନିଖୋଜ ଯୁବକ ହେଲେ ବରଗଡ ତଲିପଡାର ଓମ୍ ପ୍ରକାଶ ଭୋଇ (୨୨) । ସେ ବରଗଡ଼ ମୁଖ୍ୟ କେନାଲର ବରଡୋଲ ନିକଟରେ ଗାଧୋଉଥିବା ବେଳେ ଭାସିଯାଇଥିଲେ । ଖବର ପାଇ ଘଟଣାସ୍ଥଳରେ ପହଞ୍ଚି ଅଗ୍ନିଶମ ବିଭାଗ କର୍ମଚାରୀମାନେ ନିଖୋଜ ଯୁବକଙ୍କୁ ଉଦ୍ଧାର ପାଇଁ ଖୋଜା ଖୋଜି ଜାରି ରଖିଛନ୍ତି । ୨ ଦିନରେ ୨ଜଣ କେନାଲରେ ନିଖୋଜ ହେବା ଘଟଣା ସମସ୍ତଙ୍କୁ ଚକିତ କରିଛି ।