ଛେଣ୍ଡିପଦା, (ବଡ଼ ଖବର ବ୍ୟୁରୋ): ରବିବାର ସକାଳୁ ସକାଳୁ ଘଟିଛି ମର୍ମନ୍ତୁଦ ସଡ଼କ ଦୁର୍ଘଟଣା । ଅକାଳରେ ଚାଲିଯାଇଛି ଦୁଇ ଜୀବନ । ଅନୁଗୁଳ ଜିଲ୍ଲା ଜରଡ଼ାପଡା ଥାନା ଅଞ୍ଚଳରେ ଘଟିଛି ମର୍ମନ୍ତୁଦ ସଡ଼କ ଦୁର୍ଘଟଣା । ୫୫ ନମ୍ବର ଜାତୀୟ ରାଜପଥ ଭାଗୀରଥିପୁର ନିକଟସ୍ଥ ନିୟୁ ତପୋବନ ଢାବା ସମ୍ମୁଖରେ ଦୁର୍ଘଟଣା ଘଟିଛି । ଜାତୀୟ ରାଜପଥର ସଂପ୍ରସାରଣ କାର୍ୟ୍ୟ ଚାଲୁଥିବା ବେଳେ ରାସ୍ତାରେ କୋଇଲା ବୋଝେଇ ଟ୍ରକ ଛିଡା ହୋଇଥିଲା । ୨୨ ଚକିଆ ଟ୍ରକଟି କୋଇଲା ବୋଝେଇ ଟ୍ରକକୁ ପଛପଟୁ ଧକ୍କା ଦେଇଥିଲା । ଗାଡିରେ ଚାପି ହୋଇ ଘଟଣାସ୍ଥଳରେ ଚାଳକ ଓ ଖଲାସିଙ୍କର ମୃତ୍ୟୁ ହୋଇଛି । ଖବର ପାଇ ଜରପଡା ପୋଲିସ ଓ ଅଗ୍ନିଶମ ବିଭାଗ ଘଟଣା ସ୍ଥଳରେ ପହଞ୍ଚି ସେମାନଙ୍କୁ ଗାଡି ଭିତରୁ ଉଦ୍ଧାର କରିଥିଲେ । ଡ୍ରାଇଭର ଓ ଖଲାସୀଙ୍କ ପରିଚୟ ମିଳିପାରିନାହିଁ ।
