![](https://i0.wp.com/badakhabar.in/wp-content/uploads/2023/07/Binjharpur-.jpg?fit=1920%2C1080&ssl=1)
ବିଞ୍ଝାରପୁର (ବଡ଼ ଖବର ବ୍ୟୁରୋ): ମେଡିକାଲ ପରିସରରେ ଡାକ୍ତର ସମ୍ପର୍କୀୟଙ୍କ ଗୁଣ୍ଡାଗିରି । ମୃତକ ପରିବାର ଲୋକଙ୍କୁ ନାଲିଆଖି ଦେଖିବାଇବା ସହ ଅସଭ୍ୟ ଭାଷାରେ ଗାଳିଗୁଲଜ କରିଥିବା ଅଭିଯୋଗ ହୋଇଛି । ଏଭଳି ସଙ୍ଗିନୀ ଅଭିଯୋଗ ଆସିଛି ଯାଜପୁର ଜିଲ୍ଲା ବିଂଝାରପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରୁ । ସିଂହପୁର ପଞ୍ଚାୟତର ତ୍ରିପତି ବେହୁରିଆଙ୍କ ପତ୍ନୀ ରଂଜିତା ବେହୁରୀଆ ଶୌଚାଳୟରେ କୌଣସି କାରଣ ବଶତଃ ପଡି ଚେତାଶୂନ୍ୟ ହୋଇଯାଇଥିଲେ ।
ପରିବାର ଲୋକେ ତାଙ୍କୁ ବିଂଝାରପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ । ଡ୍ୟୁଟିରେ ଥିବା ଡାକ୍ତର ସତ୍ୟନାରାୟଣ ସାମଲ ଚିକିତ୍ସା କରୁଥିବା ବେଳେ ରଂଜିତାଙ୍କ ମୃତୁ ହୋଇଥିଲା । ପରିବାର ଲୋକେ ଡାକ୍ତରଙ୍କୁ ମୃତ୍ୟୁର କାରଣ ପଚାରିବାରୁ ଡାକ୍ତର ଓ ତାଙ୍କର ଜଣେ ସମ୍ପର୍କୀୟ ମୃତକଙ୍କ ପରିବାର ଲୋକଙ୍କୁ ଧମକାଇ ବା ସହ ଅସଭ୍ୟ ଭାଷାରେ ଗାଳିଗୁଲଜ କରିଥିବା ପରିବାର ଲୋକେ ଅଭିଯୋଗ ଆଣିଛନ୍ତି । ଅନ୍ୟପଟେ ଡାକ୍ତର ସତ୍ୟନାରାୟଣ ସାମଲ ଅଭିଯୋଗକୁ ଖଣ୍ଡନ କରିଛନ୍ତି । ପୋଲିସ ଘଟଣାର ତଦନ୍ତ ଆରମ୍ଭ କରିଛି