ପିଇଓ ଚାକିରି କରାଇଦେବା ନାଁରେ ଠକେଇ ମାମଲା, ଅଭିଯୁକ୍ତ ଗିରଫ

ବରୀ (ବଡ଼ ଖବର ବ୍ୟୁରୋ): ପିଇଓ ଚାକିରି କରାଇଦେବା ନାଁରେ କୋଟି କୋଟି ଟଙ୍କା ଠକେଇ ମାମଲା । ଗିରଫ ହେଲା ଅଭିଯୁକ୍ତ । ଚାକିରି କରାଇ ଦେବାକୁ କହି ବରୀ ଓ କେନ୍ଦ୍ରାପଡ଼ା ଜିଲ୍ଲାର ବିଭିନ୍ନ ଅଞ୍ଚଳରୁ କୋଟି କୋଟି ଟଙ୍କା ଠକେଇ ମାମଲାରେ ଜଣକୁ ଗିରଫ ହୋଇଥିବା ବେଳେ ମୁଖ୍ୟ ଅଭିଯୁକ୍ତ ଶିକ୍ଷକ ରାମଚନ୍ଦ୍ର ଦାରୁଆ ଏବେବି ଫେରାର ଥିବା ସୂଚନା । ଅଭିଯୁକ୍ତକୁ ମାଲକାନଗିରିରୁ ଗିରଫ କରିଛି ବରୀ ପୋଲିସ।

ଗିରଫ ଅଭିଯୁକ୍ତ ସୁରେନ୍ଦ୍ର ବଡ଼ନାୟକ ସୁରିଆକୁ ଗତକାଲି କୋର୍ଟ ଚାଲାଣ କରିଛି । ସେପଟେ ସୁରେନ୍ଦ୍ର ବ୍ୟବହାର କରୁଥିବା କାର ସହ ଦୁଇଟି ମୋବାଇଲ ଫୋନକୁ ମଧ୍ୟ ପୋଲିସ ଜବତ କରିଛି ପୋଲିସ । ଚାକିରି ଦେବା ନାଁ ରେ କୋଟି କୋଟି ଟଙ୍କା ଠକେଇ ନେଇଥିବା ମୁଖ୍ୟ ଅଭିଯୁକ୍ତ ରାମଚନ୍ଦ୍ର ଦାରୁଆଙ୍କ ଆକାଉଣ୍ଟରୁ ସୁରେନ୍ଦ୍ର ବଡ଼ ନାୟକଙ୍କ ଆକାଉଣ୍ଟକୁ ୭୦ ଲକ୍ଷରୁ ଉର୍ଦ୍ଧ୍ବ ଟଙ୍କା ଯାଇଥିବା ପୋଲିସ ଜାଣିବାକୁ ପାଇଛି। ଏହି ଠକେଇ ମାମଲାରେ ଏକାଧିକ ବ୍ୟକ୍ତିଙ୍କ ସଂପୃକ୍ତି ଥିବାରୁ ଅଧିକ ତଦନ୍ତ ଜାରି ରଖିଛଇ ପୋଲିସ ।