ଆସିକା(ବଡ଼ ଖବର ବ୍ୟୁରୋ): ସ୍ତ୍ରୀ କାଟିଲା ସ୍ୱାମୀର ବେକ । ପାରିବାରିକ କଳହରୁ ଏଭଳି ଘଟଣା ଘଟିଛି । ସ୍ୱାମୀକୁ ଗୁରୁତର ଅବସ୍ଥାରେ ଆସିକା ସବଡିଭିଜନ ମେଡିକାଲରେ ଚିକିତ୍ସା ପାଇଁ ଭର୍ତ୍ତି ହୋଇଛନ୍ତି । ପ୍ରାଥମିକ ଚିକିତ୍ସା ପରେ ଅବସ୍ଥା ଗୁରୁତର ହେବାରୁ ବ୍ରହ୍ମପୁର ବଡ ମେଡିକାଲକୁ ସ୍ଥାନାନ୍ତର କରାଯାଇଛି । ଏଭଳି ଘଟଣା ଘଟିଛି ଧରାକୋଟ ଥାନା ବରିଗୁଡା ଗାଁରେ। ରୋହିତ ପାତ୍ର ଅନେକ ସମୟରେ ମଦ୍ୟପାନ କରିଥାନ୍ତି । ଏଥିପାଇଁ ପରିବାରରେ କଳହ ଲାଗି ରହିଥିଲା । ଗତକାଲି ମଦ୍ୟପାନ କରି ନିଜ ସ୍ତ୍ରୀ କସ୍ତୁରୀ ପାତ୍ରକୁ ମାରପିଟ କରିଥିଲେ । ଗତକାଲି ରାତି ପ୍ରାୟ ୮.୩୦ରେ ସ୍ୱାମୀ ସ୍ତ୍ରୀ ମଧ୍ୟରେ କଥା କଥା କଟାକଟି ହୋଇଥିଲା । ଅତିଷ୍ଠ ହୋଇ ସ୍ତ୍ରୀ କସ୍ତୁରୀ ଧାରୁଆ ଛୁରୀରେ ନିଜ ସ୍ଵାମୀର ବେକ ଓ ପିଠିକୁ କାଟି ଦେଇଥିଲେ । ଘଟଣା ସ୍ଥଳରେ ଧରାକୋଟ ପୋଲିସ ପହଁଚି ଅଧିକ ତଦନ୍ତ କରୁଛି।
