ଶିକାରୀ ଗୁଳିରେ ମହିଳା ଗୁରୁତର

ସୋରୋଡା (ବଡ଼ ଖବର ବ୍ୟୁରୋ):  ଗଞ୍ଜାମ ଜିଲ୍ଲାର ଭଞ୍ଜନଗର ଥାନା ବେଡିଗୋବା ଗ୍ରାମରେ ଘଟିଛି ଅଭାବନୀୟ ଘଟଣା । ଶିକାରୀ ଗୁଳିରେ ମହିଳା ଗୁରୁତର। ବେଡ଼ିଗୋବା ଗ୍ରାମର ସ୍ୱପ୍ନା ସାହୁ ଓ ତାଙ୍କ ମାଆ ଦୁହେଁ ଗତକାଲି ସନ୍ଧ୍ୟାରେ ପତ୍ର ତୋଳିବା ପାଇଁ ଜଙ୍ଗଲକୁ ଯାଇଥିଲେ  ।  ପତ୍ର ତୋଳିବା ସମୟରେ ହଠାତ ଗୁଳି ବାଜିଥିଲା  । ଯାହା ଫଳରେ ସ୍ଵପ୍ନା ଗୁରୁତର ହୋଇ ପଡ଼ିଥିଲେ । ଏହା ଦେଖି ତାଙ୍କ ମାଆ ଗ୍ରାମକୁ ଆଣିଥିଲେ ।

କୌଣସି ନେଟୱର୍କ ନଥିବା କାରଣରୁ ଗ୍ରାମର ଏକ ନିର୍ଦ୍ଧିଷ୍ଟ ସ୍ଥାନକୁ ଆସି ଆଜି ସକାଳ ସମୟରେ ଆମ୍ବୁଲାନ୍ସ ସହ ଯୋଗାଯୋଗ କରି  ଆମ୍ବୁଲାନ୍ସ ସାହାଯ୍ୟରେ ଭଞ୍ଜନଗର ଉପଖଣ୍ଡ ଚିକିତ୍ସାଳୟ ରେ ଭର୍ତ୍ତି କରିଥିଲେ ।ଅବସ୍ଥା ଗୁରୁତର ଥିବାରୁ ବ୍ରହ୍ମପୁର ବଡମେଡିକାଲକୁ ସ୍ଥାନାନ୍ତର କରାଯାଇଛି। ଏପଟେ ଭଞ୍ଜନଗର ପୋଲିସ୍ ଘଟଣାକୁ ଗୁରୁତର ସହ ତଦନ୍ତ ଆରମ୍ଭ କରିଛି।