ବନ୍ଧୁକ ମୁନରେ ୭ ଲକ୍ଷ ଟଙ୍କାର ଗହଣା ଲୁଟ୍

ବାଲେଶ୍ୱର (ବଡ଼ ଖବର ବ୍ୟୁରୋ): ବନ୍ଧୁକ ମୁନରେ ଗହଣା ଦୋକାନୀ ଠାରୁ ଲୁଟ । ଟଙ୍କା ଓ ଗହଣା ମିଶି ୭ ଲକ୍ଷରୁ ଅଧିକ ଟଙ୍କା ଲୁଟ ହୋଇଥିବା ସୂଚନା । ରାତିରେ ଦୋକାନ ବନ୍ଦ କରି ଘରକୁ ଫେରିବା ସମୟରେ ଲୁଟ । ଏକ ବାଇକରେ ୩ ଜଣ ଆସି ବନ୍ଧୁକ ଦେଖାଇ ବାଇକ ଡିକି ଭାଙ୍ଗି ଓ ବ୍ୟାଗ ଛଡାଇ ନେଇଥିବା ଅଭିଯୋଗ ହୋଇଛି । ଖବର ପାଇ ଜଳେଶ୍ବର ପୋଲିସ ତଦନ୍ତ ଆରମ୍ଭ କରିଛି ।

ସୂଚନ ଅନୁଯାୟୀ ଜଳେଶ୍ୱର ଥାନା ନୂଆଗାଁ ଗ୍ରାମର ଚନ୍ଦନ ରଣା ପ୍ରତିଦିନ ଭଳି ରାତି ୯ଟାରେ ବଳରାମପୁର ଛକ ଠାରେ ଥିବା ନିଜର ଗହଣା ଦୋକାନ ବନ୍ଦ କରି ଏକ ବ୍ୟାଗରେ ସୁନାରୂପ ଗହଣା ଡ଼ିକିରେ ପୁରାଇ ବାଇକ ଯଗେ ଘରକୁ ଯାଉଥିବା ସମୟରେ ନୂଆଁ ଗାଁ ବସଷ୍ଟାଣ୍ଡ ନିକଟରେ ପଛ ପଟୁ ଏକ ବାଇକରେ ୩ଜଣ ଯୁବକ ଆସି ଚନ୍ଦନଙ୍କ ଗାଡି ଅଟକାଇ ଥିଲେ । ସେମାନେ ଚନ୍ଦନର ମୁଣ୍ଡରେ ବନ୍ଧୁକ ଲଗାଇ ଗାଡିର ଡିକି ଭାଙ୍ଗି ସୁନା ରୂପ ଗହଣା ଲୁଟି ନେଇଥିଲେ । ପୋଲିସ ଖବର ପାଇ ଘଟଣା ସ୍ଥଳରେ ପହଂଚି ତଦନ୍ତ କରୁଥିବା ଦେଖିବାକୁ ମିଳିଛି । ୭ଲକ୍ଷରୁ ଅଧିକ ଟଙ୍କାର ଗହଣା ଲୁଟି ନେଇଛନ୍ତି ଦୁର୍ବୃତ୍ତ ।