ଟିଟିଲାଗଡ଼, (ବଡ଼ ଖବର ବ୍ୟୁରୋ): ବଲାଙ୍ଗୀର ଜିଲ୍ଲାର ଟିଟିଲାଗଡ଼ ସହରରେ ଦଶହରା ପୂର୍ବ ବର୍ଷଭଳି ଆକର୍ଷଣୀୟ ନଥିଲା । କରୋନା କଟକଣାକୁ ମାନି ସହରର ବିଭିନ୍ନ ମଣ୍ଡପରେ ମା’ଙ୍କ ପୂଜା ହେଉଥିଲା ସତ, କିନ୍ତୁ ଭକ୍ତଙ୍କ ଭିଡ ନଥିଲା । ମଣ୍ଡପ ଲାଗୁଥିଲା ର୍ଖା ଖାଁ । ନବରାତ୍ରଠାରୁ ବିଜୟା ଦଶମୀ ଯାଏଁ ମା’ଙ୍କ ନୀତିକାନ୍ତିରେ ଉଣା ନଥିଲା । ଟିଟିଲାଗଡ଼ର ଅଧିଷ୍ଠାତ୍ରୀ ଦେବୀ ମା’ ଘଣ୍ଟାସୁଣୀଙ୍କ ମନ୍ଦିରରେ ୧୭ରୁ ଵ୍ରତଧାରୀମାନେ ମାନସିକ କରି ଦୀପ ପ୍ରଜ୍ଜଳନ କରିଥିଲେ ।
ସ୍ଥାନୀୟ ବିଧାୟିକା ତଥା ମନ୍ତ୍ରୀ ଟୁକୁନି ସାହୁ ଘଣ୍ଟାଶୁଣୀ ମନ୍ଦିରର ସୌନ୍ଦର୍ଯ୍ୟକରଣ କରାଇଥିଲେ । ଆଶାଥିଲା ଚଳିତବର୍ଷ ଲକ୍ଷାଧିକ ଭକ୍ତଙ୍କ ସମାଗମ ହେବ । ମାତ୍ର ତାହ ସମ୍ଭବ ହେଲାନି । କରୋନା ମହାମାରୀର ବିନାଶ ଲାଗି ଅଷ୍ଟମୀୀରେ ମନ୍ଦିରରେ ହୋମଯଜ୍ଞର ଆୟୋଜନ କରାଯାଇଥିଲା । ସହରର ହାଟପଦାପଡ଼ା, ଓ୍ଵେସ୍କୋ ଅଫିସ, ମାଉସୀ ମା’ ମନ୍ଦିର, ରେଳ ଷ୍ଟେସନ ଓ ସ୍ୱାଧୀନପଡ଼ା ପୂଜାମଣ୍ଡପରେ ପୂଜା ପାଉଛନ୍ତି ଦୁର୍ଗତିନାଶିନୀ ମା’ ଦୁର୍ଗା ।
