ପିସି କାରବାର ବିରୋଧରେ ବିକ୍ଷୋଭ

ଲକ୍ଷ୍ମୀପୁର(ବଡ଼ ଖବର ବ୍ୟୁରୋ): ପିସି କାରବାର ବିରୋଧରେ ବିକ୍ଷୋଭ । ନାରାୟଣପାଟଣା ବ୍ଲକ ପିସି କାରବାରର ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଘୁରି ବୁଲୁଛି। ମାର୍ଚ୍ଚ ୨୦ରେ କୋରାପୁଟ ଜିଲ୍ଲା ନାରାୟଣପାଟଣା ବ୍ଲକରେ ପିସି କାରବାର ଦୁର୍ନୀତି ଅଭିଯୋଗ ଆଣିଥିଲେ । ନାରାୟଣପାଟଣା ଅଞ୍ଚଳର ଆଦିବାସୀ ଯୁବକମାନେ ଜଗନ୍ନାଥ ମନ୍ଦିର ଠାରେ ଏକତ୍ରିତ ହୋଇ ଏକ ଶୋଭାଯାତ୍ରାରେ ବାହାରିଥିଲେ । ନାରାୟଣପାଟଣା ବ୍ଲକରେ ସରକାରୀ ଅଧିକାରୀ ମାନେ ଦୁର୍ନୀତି ଓ ପିସି କାରବାର କରୁଛନ୍ତି ।

ଯାହାର ଭିଡିଓ ଏବେ ସୋସିଆଲ ମିଡିଆରେ ଘୁରି ବୁଲୁଛି । ନାରାୟଣପାଟଣାରେ ଉନ୍ନତିମୂଳକ କାର୍ଯ୍ୟରେ ବାଧକ ସାଜୁଥିବା ଅଧିକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବା ପାଇଁ ବିଡିଓଙ୍କୁ ଦାବିପତ୍ର ପ୍ରଦାନ କରାଯାଇଛି । ଜେଇ ଜଣେ ଠିକାଦାରଙ୍କ ଠାରୁ ଲାଞ୍ଚ ନେଉଥିବା ଭିଡ଼ିଓ ସୋସିଆଲ ମିଡ଼ିଆରେ ଘୁରି ବୁଲୁଥିଲେ ସୁଦ୍ଧା ଜେଇଙ୍କ ବିରୋଧରେ ଆଜି ପର୍ଯ୍ୟନ୍ତ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଉନାହିଁ ।