ହୋଟେଲରୁ ସିଧା ଭୋଟ ଦେବାକୁ ଯିବେ ବିଧାୟକ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଆଜି କର୍ଣ୍ଣାଟକର ୪ଟି ରାଜ୍ୟସଭା ଆସନ ପାଇଁ ଭୋଟ ଅନୁଷ୍ଠିତ ହେବ । ତେଣୁ ସମସ୍ତ ଦଳ ସେମାନଙ୍କ ବିଧାୟକଙ୍କ ପ୍ରତି ସତର୍କ ରହିଛନ୍ତି। କର୍ଣ୍ଣାଟକ ପିସିସି ମୁଖ୍ୟ ଡି.କେ ଶିବକୁମାର କହିଛନ୍ତି ଯେ ତାଙ୍କ ଦଳର ସମସ୍ତ ବିଧାୟକଙ୍କୁ ହୋଟେଲରେ ରଖାଯାଇଛି । ଭୋଟ ପାଇଁ ଆଜି ସିଧାସଳଖ ବିଧାନସଭାକୁ ନିଆଯିବ।ରାଜ୍ୟସଭା ନିର୍ବାଚନ ପୂର୍ବରୁ ବେଙ୍ଗାଲୁରୁର ଏକ ଷ୍ଟାର ହୋଟେଲରେ ବିଜେପି ବିଧାୟକ ଦଳର ଏକ ବୈଠକ କରାଯାଇଥିଲା।

ଅନ୍ୟପକ୍ଷରେ କର୍ଣ୍ଣାଟକର ଉପ ମୁଖ୍ୟମନ୍ତ୍ରୀ ଡି.କେ ଶିବକୁମାର କହିଛନ୍ତି ଯେ ହୋଟେଲରେ କଂଗ୍ରେସ ବିଧାୟକଙ୍କ ପାଇଁ ଭୋଟ ଟ୍ରେନିଂ ଏବଂ ମକ ଭୋଟିଂ କରାଯାଇଥିଲା।ସେ କହିଛନ୍ତି ମକ ଭୋଟିଂ ଅନୁଷ୍ଠିତ ହେବ ଏବଂ ଆମର ବିଧାୟକମାନେ ମଙ୍ଗଳବାର ହୋଟେଲରୁ ବିଧାନସଭାକୁ ଭୋଟ ଦେବାକୁ ଯିବେ। ଭୋଟ ସମୟରେ କ୍ରସ ଭୋଟିଂ ହେବ କି ବୋଲି ତାଙ୍କୁ ପଚରାଯିବାରୁ ସେ କହିଥିଲେ, ଆମ ପକ୍ଷରୁ କୌଣସି କ୍ରସ ଭୋଟିଂ ହେବ ନାହିଁ।