କଂଗ୍ରେସକୁ ଆଉ ଏକ ଝଟକା, ହାତ ଛାଡ଼ିଲେ କଂଗ୍ରେସର ପୂର୍ବତନ ଅଧ୍ୟକ୍ଷ ସୁରେଶ ପଚୌରୀ

ମଧ୍ୟପ୍ରଦେଶ (ବଡ଼ ଖବର ବ୍ୟୁରୋ): ଲୋକ ସଭା ନିର୍ବାଚନ ପୂର୍ବରୁ ମଧ୍ୟପ୍ରଦେଶରେ କଂଗ୍ରେସ ଆଉ ଏକ ବଡ଼ ଝଟକା ଲାଗିଛି । ପୂର୍ବତନ କେନ୍ଦ୍ର ମନ୍ତ୍ରୀ ତଥା ମଧ୍ୟପ୍ରଦେଶ କଂଗ୍ରେସର ପୂର୍ବତନ ଅଧ୍ୟକ୍ଷ ସୁରେଶ ପଚୌରୀ ବିଜେପିରେ ଯୋଗ ଦେଇଛନ୍ତି । ସୁରେଶ ପଚୌରୀ ଚାରିଥର ଏମ୍‌ପି ସହ କଂଗ୍ରେସ ସରକାରଙ୍କ ଅନେକ ମନ୍ତ୍ରଣାଳୟ ପାଇଁ କେନ୍ଦ୍ରମନ୍ତ୍ରୀ ରହିଛନ୍ତି।

ସୁରେଶ ୧୯୭୨ରେ ଯୁବ କଂଗ୍ରେସ କର୍ମୀ ଭାବରେ ତାଙ୍କର ରାଜନୈତିତିକ ଯାତ୍ରା ଆରମ୍ଭ କରିଥିଲେ। ଏହା ପରେ ସେ ୧୯୮୪ରେ ରାଜ୍ୟ ଯୁବ କଂଗ୍ରେସ ସଭାପତି ହୋଇଥିଲେ। ୧୯୮୪ରେ ନିଜେ ରାଜ୍ୟ ସଭାକୁ ନିର୍ବାଚିତ ହୋଇଥିଲେ। ସୁରେଶ ୧୯୯୦, ୧୯୯୬ ଏବଂ ୨୦୦୨ରେ ସେ ପୁଣି ଏମ୍‌ପି ହୋଇଥିଲେ।