ବନ୍ଧୁ ମିଳନ 2025

ଭୁବନେଶ୍ୱର (ବଡ଼ ଖବର ବ୍ୟୁରୋ): କଥାରେ ଅଛି ବନ୍ଧୁ ହିଁ ଶ୍ରେଷ୍ଠ । ଯାହା ପାଖେ ଅଛି ବନ୍ଧୁଟିଏ ତାକୁ ବା ଆଉ କାହାର ରହିଛି ଦରକାର । ବନ୍ଧୁ ମିଳନ କରିବା ପୂର୍ବରୁ ମନେ ପଡ଼ିଯାଏ ସେହି ସୁବଳ ଓ ସୁଦାମ । ନିଜର କାର୍ଯ୍ୟବ୍ୟସ୍ତତାକୁ ପଛରେ ପକାଇ ଆଜି ସେହି ବନ୍ଧୁତାକୁ ଆହୁରି ସୁଦୃଢ଼ ଓ ସଶକ୍ତ କରିବା ପାଇଁ ଏକତ୍ରିତ ହୋଇଥିଲେ ୨୦୧୭ ମସିହା ବ୍ୟାଚର ପିଲାମାନେ । ଆଉ ମନେ ପକାଇଥିଲେ ସେହି ବିଦ୍ୟାଳୟରେ କାଟିଥିବା ଗୋଟିଏ ଗୋଟିଏ ମୁହୂର୍ତ୍ତକୁ । ନିଜର ପାଠପଢ଼ା ସାଙ୍ଗକୁ କିପରି ଥିଲା ସେହି ପିଲା ଦିନର ସମୟ ତାକୁ କରିଥିଲେ ସ୍ମରଣ। ଯାହା ବେଶ ସମସ୍ତଙ୍କୁ ଆନନ୍ଦିତ କରିଥିଲା । ସମାଜ ପାଇଁ ସେମାନଙ୍କ ଭୂମିକା କଣ ହେବାର ଆବଶ୍ୟକ ରହିଛି ତା ଉପରେ ମଧ୍ୟ କରୁଥିଲେ ଚର୍ଚ୍ଚା ।

ସାଇ ନର୍ସରୀ ସ୍କୁଲରେ ଅଧ୍ୟୟନ କରି ୨୦୧୭ ମସିହାରେ ଦଶମ ପରୀକ୍ଷାରେ ଉତ୍ତୀର୍ଣ୍ଣ ହୋଇଥିବା ଛାତ୍ରଛାତ୍ରୀ ମାନେ ଆଜି ହୋଇଥିଲେ ଏକତ୍ରିତ । ବିଭିନ୍ନ ଦିଗକୁ ନେଇ ଗୁରୁତ୍ତ୍ୱପୂର୍ଣ୍ଣ ଆଲୋଚନା କରିଥିଲେ । ବିଶେଷ କରି ନିଜ ସ୍କୁଲ ସମୟର ପ୍ରତ୍ୟେକଟି ଦିନକୁ ମନେ ପକାଇ ସମୟକୁ ଅତିବାହିତ କରିଥିଲେ । ଏହା ଥିଲା ଦ୍ୱିତୀୟ ବୈଠକ । ବହୁତ ବର୍ଷ ବ୍ୟବଧାନରେ ସମସ୍ତେ ଏକାଠି ହୋଇଥିବାରୁ ବେଶ ଖୁସି ବ୍ୟକ୍ତ କରିଥିଲେ । ଏହି ବ୍ୟାଚର ଅନେକ ପିଲା ଏବେ ସମାଜ କାର୍ୟ୍ୟରେ ନିୟୋଜିତ ଅଛନ୍ତି । କିଏ ସରକାରୀ ତ କିଏ ବେସରକାରୀ ଚାକିରି କରି ସମାଜ ପାଇଁ କାର୍ୟ୍ୟ କରି ଆସୁଛନ୍ତି । ଯାହାକୁ ନେଇ ସେମାନେ ମଧ୍ୟ ନିଜେ ନିଜର ଶ୍ରେୟ ବନ୍ଧୁ ମାନଙ୍କ ଉଦ୍ଦେଶ୍ୟରେ ରଖିଛନ୍ତି ।