ଭୁବନେଶ୍ୱର (ବଡ଼ ଖବର ବ୍ୟୁରୋ): ବିଜେପିରେ ଯୋଗ ଦେଲେ ରାଜଗାଙ୍ଗପୁର ପୌର ପରିଷଦର ପୂର୍ବତନ ଅଧ୍ୟକ୍ଷ ପୂର୍ଣ୍ଣଚନ୍ଦ୍ର ରାଉତ। ବିଜେଡିର ପୂର୍ବତନ ନେତା ପୂର୍ଣ୍ଣଚନ୍ଦ୍ର ରାଜ୍ୟ କାର୍ଯ୍ୟାଳୟରେ ବିଜେପିରେ ସାମିଲ ହୋଇଛନ୍ତି । ପୂର୍ବତନ ରାଜ୍ୟ ସଭାପତି କେ ଭି ସିଂଦେଓ ଏବଂ ସାଂସଦ ଜୁଏଲ ଓରାମଙ୍କ ଉପସ୍ଥିତିରେ ସାମିଲ ହେଲେ। ୯୦ ଦଶକରୁ ରାଜନୀତିରେ ଅଛନ୍ତି ପୂର୍ଣ୍ଣଚନ୍ଦ୍ର। ପୂର୍ବରୁ ଜନତା ଦଳ ପରେ ବିଜେଡିର ସକ୍ରିୟ ରାଜନୀତିରେ ଥିଲେ ପୂର୍ଣ୍ଣଚନ୍ଦ୍ର।
୨୦୧୩ରୁ ଅନ୍ତଘାତି କାମ ପାଇଁ ବିଜେଡି ଛାଡି ସ୍ଵାଧୀନ ଭାବେ ଲଢ଼ୁଥିଲେ। ଆଜି ବିଜେପିରେ ଯୋଗ ଦେବା ପରେ ସୁନ୍ଦରଗଡ଼ରେ ବିଜେପିର ଶକ୍ତି ବୃଦ୍ଧି ହେବ କହିଛନ୍ତି ଜୁଏଲ ଓରାମ। ସୁନ୍ଦରଗଡ଼ ଜିଲ୍ଲାରେ ଅନେକ ଅସନ୍ତୁଷ୍ଟ ବିଜେଡି ନେତା ତାଙ୍କ ସହ ଯୋଗାଯୋଗରେ ଅଛନ୍ତି ଖୁବ୍ ଶୀଘ୍ର ବିଜେପିକୁ ଆସିବେ ବୋଲି କହିଛନ୍ତି ପୂର୍ଣ୍ଣଚନ୍ଦ୍ର।
