ନଦୀରେ ବୁଡ଼ି ବୃଦ୍ଧା ମୃତ

ବରୀ, (ବଡ଼ ଖବର ବ୍ୟୁରୋ): ଯାଜପୁର ଜିଲ୍ଲା ବରୀ ବ୍ଲକ ଚନ୍ଦନପୁର ପଞ୍ଚାୟତ ମିର୍ଜାପୁର ଗ୍ରାମର କେଶବ ଚନ୍ଦ୍ର ଓଝା (୬୫) ଆଜି ସକାଳେ ପତ୍ନୀ ସରିଳାଙ୍କ ସହ ଘର ପଛ ବ୍ରାହ୍ମଣୀ ନଦୀକୁ ଗାଧୋଇବାକୁ ଯାଇଥିଲେ। ଗାଧୋଇବା ସମୟରେ ହଠାତ୍ ଗୋଡ଼ ଖସିଯିବରୁ ନଦୀରେ ବୁଡ଼ି ଯାଇଥିଲେ। ସେଠାରେ ଗାଧୋଉଥିବା ଅନ୍ୟ ଲୋକେ ଖୋଜା ଖୋଜି କରିବା ସହ ବରୀ ଦମକଳ ବାହିନୀକୁ ଖବର ଦେଇଥିଲେ। ଦମକଳ ବାହିନୀ ପହଞ୍ଚି କେଶବଙ୍କୁ ନଦୀରୁ ଉଦ୍ଧାର କରି ବରୀ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ଆଣିଥିଲେ। କିନ୍ତୁ ସ୍ୱାସ୍ଥ୍ୟକେନ୍ଦ୍ର ଅଧିକାରୀ ଡା.ସେକ ସବିର୍ ହୋସେନ୍ ତାଙ୍କୁ ମୃତ ଘୋଷଣା କରିଥିଲେ।