କାର୍ତ୍ତିକ ପୂର୍ଣ୍ଣିମା

ବାଲେଶ୍ୱର(ବଡ଼ ଖବର ବ୍ୟୁରୋ): ଓଡିଆ ପରମ୍ପରା ଓ ସଂସ୍କୃତି ଅନୁଯାୟୀ ଆଜି ପ୍ରତ୍ୟୁଷରେ ଲୋକେ ବିଭିନ୍ନ ନଦୀ ଓ ଜଳାଶୟରେ ଭସାଇଥିଲେ ଡଙ୍ଗା । ଆଉ ଶେଷ କରିଥିଲେ କାର୍ତ୍ତିକ ବ୍ରତ । ବାଲେଶ୍ୱର ଜିଲ୍ଲାର ବିଶେଷ କରି ବାଲିଘାଟ, ମିର୍ଜା ପୋଖରୀ, ଗୋଳା ପୋଖରୀରେ ପ୍ରତିବର୍ଷ ଶହ ଶହ ଶ୍ରଦ୍ଧାଳୁ ଡଙ୍ଗା ଭସାଇଥାନ୍ତି । କରୋନା କଟକଣା ପାଇଁ ଏ ବର୍ଷ ଏଭଳି ଦୃଶ୍ୟ ଦେଖିବାକୁ ମିଳିନାହିଁ । ନଦୀଘାଟ ସବୁ ଖାଁ ଖାଁ । କିନ୍ତୁ କିଛି ଭକ୍ତ ନିୟମ ଉଲ୍ଲଘଂନ କରି ସକାଳେ ନିଜ ଘର ପାଖରେ ଥିବା ଗାଡିଆ-ପୋଖରୀରେ ଡଙ୍ଗା ଭସାଇଥିଲେ । ପ୍ରଶାସନ ପକ୍ଷରୁ ସମସ୍ତ ନଦୀଘାଟରେ ବ୍ୟାପକ ପୋଲିସ ଛାଉଣୀ କରାଯାଇଥିଲା । ଲୋକେ ଡଙ୍ଗା ଭସାଇ ନପାରି ଘରକୁ ଫେରିଥିଲେ ।