ଦିଲ୍ଲୀରେ କେନ୍ଦ୍ରୀୟ ନିର୍ବାଚନ କମିଟି ବୈଠକ

ଭୁବନେଶ୍ୱର (ବଡ଼ ଖବର ବ୍ୟୁରୋ): ଖୁବଶୀଘ୍ର ଆସିପାରେ ବିଜେପିର ପ୍ରାର୍ଥୀ ତାଲିକା । ଦିଲ୍ଲୀରେ କେନ୍ଦ୍ରୀୟ ନିର୍ବାଚନ କମିଟି ବୈଠକ । ଉପସ୍ଥିତ ମନମୋହନ ସାମଲ ଓ ମାନସ ମହାନ୍ତି । ଓଡ଼ିଶା ସହ ୯ରୁ ଅଧିକ ରାଜ୍ୟର ପ୍ରାର୍ଥୀ ସମ୍ପର୍କରେ ଆଲୋଚନା । ଲୋକସଭା ସହ ବିଧାନସଭା ଉପରେ ବାଜିପାରେ ମୋହର । ୨୧ ଲୋକସଭା, ୧୪୭ ବିଧାନସଭାରେ ଲଢିବ ବିଜେପି । ନିର୍ବାଚନକୁ ଆହୁରି ଦୁଇ ମାସ ଅଛି । କର୍ମୀ କାମରେ ଲାଗିଗଲେଣି କହିଛନ୍ତି ରାଜ୍ୟ ବିଜେପି ସଭାପତି ମନମୋହନ ସାମଲ ।

ଖୁବଶୀଘ୍ର ଓଡ଼ିଶା ପାଇଁ ଆସିପାରେ ବିଜେପି ଲୋକସଭାପ ପ୍ରାର୍ଥୀ ତାଲିକା । ପ୍ରଥମ ପର୍ଯ୍ୟାୟରେ କେନ୍ଦ୍ର ନେତୃତ୍ୱ ହେବିୱେଟଙ୍କ ଉପରେ ମୋହର ମାରିପାରେ । ସମ୍ଭାବ୍ୟ ପ୍ରାର୍ଥୀଙ୍କ ମଧ୍ୟରେ ସର୍ବାଙ୍ଗେ ରହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ସେ ସମ୍ବଲପୁର ଲୋକସଭା ଆସନରୁ ନିର୍ବାଚନ ଲଢିବା ଏକ ପଅଭାକର ଫାଇନାଲ ବୋଲି ଆଭାସ ମିଳି ସାରିଛି । ସେପଟେ ଭୁବନେଶ୍ୱର ପାଇଁ ଅପରାଜିତା ଓ ପୁରୀ ଲୋକସଭା ପାଇଁ ସମ୍ବିତ ପାତ୍ରଙ୍କ ନାଁରେ ମୋହର ମାରିବ ବୋଲି ଜଣାପଡ଼ିଛି । ସେପଟେ ସୁନ୍ଦରଗଡ଼ରୁ ଜୁଏଲ ଓରାମ, ବଲାଙ୍ଗିରରୁ ସଙ୍ଗୀତା ସିଂଦେଓ ଓ ବାଲେଶ୍ୱରରୁ ପ୍ରତାପ ଷଡଙ୍ଗୀଙ୍କ ନାଁ ଉପରେ ବାଜିପାରେ ମୋହର ।

ସେପଟେ ବିଜେଡି ଓ କଂଗ୍ରେସର ପ୍ରତିକ୍ରିୟା ସାମ୍ନାକୁ ଆସିଛି । ସରକାରୀ ମୁଖ୍ୟ ସଚେତକ ପ୍ରଶାନ୍ତ ମୁଦୁଲି କହିଛନ୍ତି ଯେ ଦୀର୍ଘ ୨୫ ବର୍ଷ କାର୍ଯ୍ୟରେ ଲୋକେ ପ୍ରାଶଂସା କରିଛନ୍ତି । ବିଜେଡି ଏକପାଖିଆ ଭାବେ ବିଜୟୀ କରିଆସୁଛି । ଦୃଢ ନେତୃତ୍ୱ ନବୀନଙ୍କ ହୃଦୟରେ ଅଛି । ନିର୍ବାଚନରେ ଆମେ ଭଲ କରିବୁ । ସେପଟେ ବରିଷ୍ଠ କଂଗ୍ରେସ ନେତା ପ୍ରସାଦ ହରିଚନ୍ଦନ କହିଛନ୍ତି ଯେ ଆମ ନାରା ହେଉଛି ନବୀନ ହଟିବେ ଓଡ଼ିଶା ହସିବ । ମିଳିତ ସରକାର ରାଜ୍ୟକୁ ଖୋଳ କରିସାରିଛନ୍ତି । ବିଜେଡି-ବିଜେପି ଯେଉଁଠି ଭ୍ରଷ୍ଟାଚାର ସେଇଠି । ଦିନ କେଇଟା ପରେ ଭୋଟ । ଏହାରି ଭିତରେ ସମସ୍ତ ରାଜନୈତିକ ଦଳ ଭିଡ଼ିଲେଣି ଅଂଟା । ସମୟ କହିବ କିଏ ଜନମତ ।