ବିଜେପିରେ ମିଶିଲେ ବିଜେଡିର ଶତାଧିକ କର୍ମୀ
ବଲାଙ୍ଗୀର (ବଡ଼ ଖବର ବ୍ୟୁରୋ): ବିଜେଡିର ଶତାଧିକ କର୍ମୀ ବିଜେପିରେ ସାମିଲ । ବଲାଙ୍ଗିର ଜିଲ୍ଲା ପାଟଣାଗଡ଼ ଖମାର ଠାରେ ଅୟୋଜିତ ମିଶ୍ରଣ ପର୍ବରେ ମିଶିଛନ୍ତି । ପୂର୍ବତନ ମନ୍ତ୍ରୀ ତଥା ବିଧାୟକ କନକ ବର୍ଦ୍ଧନ ସିଂହଦେଓଙ୍କ ଉପସ୍ଥିତିରେ ଏମାନେ ଦଳରେ ସାମିଲ ହୋଇଛନ୍ତି । ବିଧାୟକ ସରୋଜ ମେହେରଙ୍କ ମନମାନିରେ ଅତିଷ୍ଠ ହୋଇ ସେମାନେ ଦଳ ଛାଡି ଥିବା କହିଛନ୍ତି । ପାଟଣାଗଡ଼ ଏନଏସି ଓ ଧୂମାଭଟା ଅଞ୍ଚଳର ଶତାଧିକ ବିଜେଡି କର୍ମୀ ବିଜେପିରେ ଯୋଗ ଦେଇଛନ୍ତି ।
ସେମାନଙ୍କ କହିବା କଥା ହେଲା ଗତ ନିର୍ବାଚନରେ ସେମାନେ ଦଳ ପାଇଁ କଠିନ ପରିଶ୍ରମ କରି ବିଧାୟକ ସରୋଜଙ୍କୁ ବିଜୟୀ କରାଇଥିଲେ । ହେଲେ ସେତେବେଳେ ଲୋକଙ୍କୁ ଦେଇଥିବା ପ୍ରତିଶ୍ରୁତି ଭୁଲି ଯାଇଥିବା କହିଛନ୍ତି ଦଳ ଛାଡିଥିବା କର୍ମୀ । ଏପରିକି ବିଭିନ୍ନ ବିକାଶମୂଳକ କାର୍ଯ୍ୟ ସମ୍ପୂର୍ଣ୍ଣ ନହୋଇ ଅଧାପନ୍ତରିଆ ହୋଇ ପଡିଛି ।
କିନ୍ତୁ ବିଧାୟକଙ୍କ ମନମାନି ଯୋଗୁ ଦଳରେ କୋଣଠେସା ହେବା ସହ ଅତିଷ୍ଠ ହୋଇ ଦଳ ଛାଡିଛନ୍ତି ବିଜେଡି କର୍ମୀ । ତେବେ ବିଜେପିରେ ହୋଇଥିବା ସମସ୍ତ ବିଜେଡି କର୍ମୀଙ୍କୁ ସ୍ଵାଗତ ଜଣାଇଛନ୍ତି କନକ ବର୍ଦ୍ଧନ ସିଂହଦେଓ । ସେପଟେ ଦଳରେ ମନମାନି ଅଭିଯୋଗ ନେଇ ବିଧାୟକ ସରୋଜ ମେହେରଙ୍କ ପ୍ରତିକ୍ରିୟା ମିଳି ପାରି ନାହିଁ ।