ବକେୟା ପାଉଣା ଦାବିରେ ଧାରଣା

ଯାଜପୁର (ବଡ଼ ଖବର ବ୍ୟୁରୋ): ମେଗା ପାନୀୟ ଜଳ ପ୍ରକଳ୍ପ ନିମନ୍ତେ ଆରଡବ୍ଲ୍ୟୁଏସଏସ ଠାରୁ ଠିକାନେଇଥିବା ମେଗା ଇଂଜିନିୟରିଙ୍ଗ ଏଣ୍ଡ ଇନଫ୍ରାଷ୍ଟକଚର ପ୍ରାଇଭେଟ ଲିମିଟେଡ଼ ଠାରୁ ୱାର୍କୱାର୍ଡର ନେଇ ବିଂଝାରପୁର ଓ ଯାଜପୁର ବ୍ଲକର ବିଭିନ୍ନ ସ୍ଥାନରେ କାର୍ଯ୍ୟ କରିଥିବା ତ୍ରିଶକ୍ତି ଫାଉଣ୍ଡେସନର ମୁଖ୍ୟ ଛବିରାଣୀ ମହାକୁଡ଼ ଓ ଶର୍ମିଷ୍ଠା ଏଣ୍ଟରପ୍ରାଇଜରସର ମୁଖ୍ୟ ଶର୍ମିଷ୍ଠା ନାୟକ କାର୍ଯ୍ୟ କରିଥିଲେ । ପ୍ରାୟ ୫୦ଲକ୍ଷ୍ୟ ଟଙ୍କାର ଅଧିକ କାମ କରିଥିଲେ ମଧ୍ୟ ମେଗା ଇଂଜିନିୟରଙ୍ଗି ଅର୍ଥ ନ ଦେଇ ଏମାନଙ୍କୁ କାର୍ଯ୍ୟରୁ ବାହାର କରିଦେଇଥିଲେ ।

ଏହି ଘଟଣା ବିଷୟରେ ମେଗା ଇଂଜିନିୟରିଙ୍ଗ ବରିଷ୍ଠ ପଦାଧିକାରୀଙ୍କୁ ଜଣାଇବା ସହ ଜନପ୍ରତିନିଧି ସରକାରୀ ପ୍ରଶାସନ ଓ ବେସରକାରୀ ସ୍ତରରେ ଜଣାଇଥିଲେ ମଧ୍ୟ୍ୟ କୌଣସି ପ୍ରକାର କାର୍ଯ୍ୟ କରିଥିବା ଅର୍ଥ ପାଇନଥିଲେ । ଶେଷରେ ବକେୟା ଅର୍ଥ ଫେରି ପାଇବା ଦାବିରେ ଯାଜପୁର ଜ଼ିଲ୍ଲାପାଳଙ୍କ କାର୍ଯ୍ୟଳେୟ ପରିସରରେ ଦୁଇ ଠିକାଦାର ଅନଶନରେ ବସିରହିଛନ୍ତି । ଅନଶନ ସ୍ଥଳରେ ମେଗା ଓ ଆରଡବ୍ଲ୍ୟୁଏସଏସର ବିଭାଗୀୟ ଅଧିକାରୀ ମାନେ ପହଂଚି ଘଟଣାର ତଦନ୍ତ ଜାରି ରଖିଛନ୍ତି ।