ଯାଜପୁର (ବଡ଼ ଖବର ବ୍ୟୁରୋ): ଗ୍ରୀଷ୍ମ ପ୍ରଭାବକୁ ଦୃଷ୍ଟିରେ ରଖି ରାଜ୍ୟ ସରକାର ସମସ୍ତ ଶିକ୍ଷାନୁଷ୍ଠାନ ଗୁଡିକୁ ଏପ୍ରିଲ ୨୫ ତାରିଖରୁ ଛୁଟି ଘୋଷଣା କରିଛନ୍ତି । କିନ୍ତୁ ଯାଜପୁର ବ୍ଲକ ଅଧୀନ କପାସି ପ୍ରାଇମେରୀ ସ୍କୁଲର ପ୍ରଧାନ ଶିକ୍ଷୟତ୍ରୀଙ୍କ ଅବସର ବିଦାୟ କାଳୀନ ସଭାରେ ଛୋଟ ଛୋଟ ଛାତ୍ରଛାତ୍ରୀଙ୍କୁ ଡାକି ସଭା ଓ ନାଚ ଗୀତ କରୁଥିବାର ଦେଖିବାକୁ ମିଳିଛି ।
ଏହି ବିଦାୟକାଳୀନ ସଭାରେ କପାସି ପ୍ରାଇମେରୀ ସ୍କୁଲର ସମସ୍ତ ଶିକ୍ଷକ, କପାସି ସିଆରସି, ଅବସର ପ୍ରାପ୍ତ ସିଆରସି, କପାସି ହାଇସ୍କୁଲର ପ୍ରଧାନ ଶିକ୍ଷକ ଓ ସାନସୁଆର ପଞ୍ଚାୟତର ସରପଞ୍ଚ ପ୍ରଭୁତି ଉପସ୍ଥିତ ଥିଲେ । ସିଆରସି କପାସି କହିଛନ୍ତି ଯେ ଜିଲ୍ଲାପାଳଙ୍କ ଠାରୁ ଅନୁମତି ଆଣି ବିଦାୟ କାଳୀନ ସଭା ହେଉଛି । ତେବେ ଜିଲ୍ଲାପାଳ କିପରି ସରକାରଙ୍କ ନିଦେ୍ର୍ଦଶକୁ ଅବମାନନା କରି ଅନୁମତି ପ୍ରଦାନ କଲେ ବୋଲି ସାଧାରଣରେ ପ୍ରଶ୍ନ ଉଠିଛି । ସେପଟେ ଜିଲ୍ଲା ଶିକ୍ଷାଧିକାରୀ କହିଛନ୍ତି ସରକାରଙ୍କ ଆଦେଶକୁ ଅବମାନନା ଉପରେ ତଦନ୍ତ କରି କାର୍ଯ୍ୟାନୁଷ୍ଠାନ ନିଆଯିବ ।
