ଢେଙ୍କାନାଳ ପଲ୍ଲିଶ୍ରୀ ମେଳା ପଡ଼ିଆରେ ସନ୍ଦିଗ୍ଧ ହେଲିକପ୍ଟର

ଢେଙ୍କାନାଳ (ବଡ଼ ଖବର ବ୍ୟୁରୋ): ଢେଙ୍କାନାଳରେ ସନ୍ଦିଗ୍ଧ ହେଲିକପ୍ଟରକୁ ନେଇ ଚର୍ଚ୍ଚା । ଆଜି ସକାଳୁ ସକାଳୁ ଏକ ଧଳା ରଙ୍ଗର ହେଳିକାପ୍ଟର ଢେଙ୍କାନାଳ ପଲ୍ଲିଶ୍ରୀ ମେଳା ପଡ଼ିଆରେ ଅବତରଣ କରିଛି। ତେବେ ଏହି ଚପର ଟି କେଉଁଠୁ ଆସିଚି, କାହିଁକି ଆସିଚି, କିଏ ଆସିଛନ୍ତି, ଏ ସଂକ୍ରାନ୍ତରେ ହେଲିକପ୍ଟରରେ ଥିବା ପାଇଲଟ ମୁହଁ ଖୋଲୁନାହାନ୍ତି । ଏ ସଂକ୍ରାନ୍ତରେ ନା ପୋଲିସ ପାଖରେ ଖବର ଅଛି ନା ଜିଲ୍ଲାପ୍ରଶାସନ ପାଖରେ ଅବଗତ ଅଛି ।

ତେବେ ଯାହା ଅନୁମାନ କରାଯାଉଛି ଯେହେତୁ ଆଗକୁ ନିର୍ବାଚନ ଅଛି କେନ୍ଦ୍ରରୁ କେହି ଭିଆଇପି ଷ୍ଟାର ପ୍ରଚାରକ ଆସିବାର କାର୍ଯ୍ୟକ୍ରମ ପାଇଁ ଏୟାର ଟ୍ରାଫିକ ସୁରକ୍ଷା ସହିତ ରାସ୍ତା ଘାଟର ସୁରକ୍ଷା ଯାଞ୍ଚ ପାଇଁ ଆସିଥାଇପରାନ୍ତି । ମାତ୍ର ସ୍ଥାନୀୟ ଅଧିବାସୀମାନେ ହେଲିକପ୍ଟର ଅବତରଣକୁ ନେଇ ଛାନିଆ ହୋଇପଡ଼ିଛନ୍ତି । ତେବେ ଘଟଣା ସ୍ଥଳରେ ପୋଲିସ, ଅଗ୍ନିଶମ ବାହିନୀ ଓ ନିର୍ବାଚନ ଫ୍ଲାଇଙ୍ଗ ଟିମ ପହଞ୍ଚି ଘଟଣାର ତଦନ୍ତ କରୁଛନ୍ତି ।