ବାଲିକୁଦା-ଏରସମା ନିର୍ବାଚନମଣ୍ଡଳିରେ କଂଗ୍ରେସର ପ୍ରସ୍ତୁତି ବୈଠକ
ଏରସମା (ବଡ଼ ଖବର ବ୍ୟୁରୋ): ବାଲିକୁଦା ଏରସମା ନିର୍ବାଚନମଣ୍ଡଳିରେ କଂଗ୍ରେସର ନିର୍ବାଚିତ ପ୍ରସ୍ତୁତି ବୈଠକ ହୋଇଯାଇଛି। ବାଲିକୁଦା ଏରସମା ନିର୍ବାଚନମଣ୍ଡଳିରେ ନଳୀନ ରଞ୍ଜନ ସ୍ବାଇଁ କଂଗ୍ରେସ ଟିକେଟ ପାଇବା ପରେ ଆଜି ଏରସମା ସ୍ଥିତ ଏକ ଘରୋଇ ମଣ୍ଡପରେ ବ୍ଲକସ୍ତରୀୟ ନିର୍ବାଚନ ପ୍ରସ୍ତୁତି ବୈଠକ କରିଥିଲେ । ଏହି ବୈଠକରେ ଜଗତସିଂହପୁର ଜିଲ୍ଲାର କଂଗ୍ରେସ ସଭାପତି ନଟବର ବାରିକ ମୁଖ୍ୟ ଅତିଥି ରୂପେ ଯୋଗ ଦେଇଥିଲା ବେଳେ କଂଗ୍ରେସର ବରିଷ୍ଠ ନେତା ତଥା ବାଲିକୁଦା ଏରସମା ନିର୍ବାଚନମଣ୍ଡଳିର ପୂର୍ବତନ ବିଧାୟକ ଡ.ଲଲାଟେନ୍ଦୁ ମହାପାତ୍ର ଯୋଗଦେଇଥିଲେ। ବୈଠକରେ ଏରସମା ବ୍ଲକ ୨୫ ପଞ୍ଚାୟତରୁ ବହୁ ବରିଷ୍ଠ କଂଗ୍ରେସ କର୍ମୀ ମାନେ ଯୋଗ ଦେଇଥିଲେ।