ପ୍ରଶାସନର ଦୃଷ୍ଟି ଆଢୁଆଳରେ ଋଷି

ନାକଟିଦେଉଳ, (ବଡ଼ ଖବର ବ୍ୟୁରୋ): ସମ୍ବଲପୁର ଜିଲ୍ଲା ନାକଟିଦେଉଳ ବ୍ଲକ ଘୋଷରାମାଳ ପଞ୍ଚାୟତ ଧାତୁକିମାଳ ଗାଁର ଋଷି ଭୋଇ । ବୟସ ୬୫ ଛୁଇଁଲାଣି । ଆଦିବାସୀ ଗରିବ ଶ୍ରେଣୀର ଋଷିଙ୍କ ଲାଗି ସରକାରୀ ସହାୟତା ସାତସପନ । ରାଜନେତାଙ୍କଠାରୁ ଆରମ୍ଭ କରି ପ୍ରଶାସନିକ ଅଧିକାରୀଙ୍କୁ ନିବେଦନ କରିଛନ୍ତି ସେ । ପ୍ରତିଶ୍ରୃତି ବିନା ଆଉ କିଛି ସୁଫଳ ମିଳିନାହିଁ ।

ଋଷିଙ୍କ ପରିବାର କହିଲେ ଦୁଇପୁଅ ଓ ସ୍ତ୍ରୀ । ପରଘରେ ମୂଲ ମଜୁରି ଲାଗି ଯାହା ରୋଜଗାର କରନ୍ତି ସେତିକିରେ ଚଳୁଛି ପରିବାର । ଝାଟିମାଟି ନୁଆାଁଣିଆ ଚାଳଘରେ ରହୁଛନ୍ତି ୪ପ୍ରାଣୀ । ୨ ବଖରାରେ ଚଳିବା କଷ୍ଟକର ନିଶ୍ଚୟ । ଆବାସ ଯୋଜନାରେ ପକ୍କାଘର ଲାଗି ସରପଞ୍ଚଙ୍କୁ ବାରମ୍ବାର ନିବେଦନ କରିଥିଲେ ସୁଦ୍ଧା ସେ ଦୃଷ୍ଟି ଦେଉନଥିବା ଋଷି କହିଛନ୍ତି । ୬୦ ବର୍ଷରେ ସାମାଜିକ ସୁରକ୍ଷା ଯୋଜନାରେ ଭତ୍ତା ଦେଉଛନ୍ତି ସରକାର । ଋଷିଙ୍କୁ ୬୫ ହୋଇଥିଲେ ସୁଦ୍ଧା ଭତ୍ତା ମିଳୁନାହିଁ । ୩ଥର ଭତ୍ତା ଲାଗି ଆବେଦନ କରିଥିଲେ ସୁଦ୍ଧା କିଛି ସୁଫଳ ମିଳିନାହିଁ । ଏବେ ବି ସହାୟତା ଆଶାରେ ଚାହିଁ ରହିଛନ୍ତି । ସହାୟତା ମିଳିଲେ ପରିବାର ଭଲରେ ଚଳିପାରନ୍ତା ବୋଲି କହିଛନ୍ତି ଋଷି ।