ବର୍ଷା-ଅନୁଭବ ବିବାଦ ମାମଲା
ଭୁବନେଶ୍ୱର(ବଡ଼ ଖବର ବ୍ୟୁରୋ): ସାଂସଦ ଅନୁଭବ ମହାନ୍ତିଙ୍କ ପତ୍ନୀ ବର୍ଷା ପ୍ରିୟଦର୍ଶିନୀଙ୍କ ଅଭିଯୋଗ ଶେଷ ହେବାର ନାଁ ଧରୁନି । ଲାଗୁଛି ଯେମିତି ଏତେ ବର୍ଷ ଭିତରେ ସ୍ୱାମୀଙ୍କ ବିରୁଦ୍ଧରେ ଅଭିଯୋଗର ଲିଷ୍ଟ ତିଆରି କରୁଥିଲେ ବର୍ଷା । ବାହାଘରର ଏତେବର୍ଷ ମଧ୍ୟରେ କେବେବି ପରିବାର ବିରୁଦ୍ଧରେ ଅଭିଯୋଗ ଆଣିନଥିଲେ । ହେଲେ ଚଳିତ ବର୍ଷ ସେପ୍ଟେମ୍ବର ମାସରୁ ବର୍ଷା ନିର୍ଯାତିତ ହେଉଥିବାର ପ୍ରଥମେ ଅଭିଯୋଗ ଆଣିଲେ । ଏସଡିଜେଏମ କୋର୍ଟରେ ମାମଲା ଦାୟର କଲେ । ତେବେ ଏହି ସବୁକୁ ସ୍ୱାମୀ ଅନୁଭବ ମହାନ୍ତି ମିଥ୍ୟା ଅଭିଯୋଗ ବୋଲି କହିଥିଲେ । ବର୍ତ୍ତମାନ ପର୍ଯ୍ୟନ୍ତ ଏହି ଯୋଡି ଥାନାରେ ପରସ୍ୱର ବିରୁଦ୍ଧରେ ଅନେକ ବାର ଅଭିଯୋଗ କରିସାରିଲେଣି । ପ୍ରତି ସପ୍ତାହରେ କିଛି ନା କିଛି ଖବର ଏମାନଙ୍କର ସୋସିଆଲ ମିଡିଆରେ ହଇଚଇ ସୃଷ୍ଟି କରୁଛି । ଶେଷ ସପ୍ତାହରେ ଏକ ଭିଡିଓ ଭାଇରାଲ ହେବାପରେ ପୁଣି ଚର୍ଚ୍ଚାକୁ ଆସିଥିଲେ ଏହି ଯୋଡି । ଆଜି ବର୍ଷା ପୁଣି ନିଜ ଶାଶୁଘର ଲୋକଙ୍କ ବିରୁଦ୍ଧରେ ଅଭିଯୋଗ ଆଣିଛନ୍ତି ।
ବର୍ଷା ମହିଳା କମିଶନରେ ହାଜର ହୋଇଛନ୍ତି । ଏଥର ପୁରା ପରିବାର ବିରୁଦ୍ଧରେ ସେ ଅଭିଯୋଗ ଆଣିଛନ୍ତି । ମହିଳା କମିଶନଙ୍କ ଦୃଷ୍ଟି ଆକର୍ଷଣ କରିବା ପରେ ଅନୁଭବ, ତାଙ୍କ ବାପା ଓ ମାଆଙ୍କୁ ହାଜିରା ହେବା ପାଇଁ ନୋଟିସ କରାଯାଇଥିଲା । ବର୍ଷା ଅନୁଭବଙ୍କ ବିରୁଦ୍ଧରେ ଶାରୀରିକ ଓ ମାନସିକ ନିର୍ୟାତନାର ଅଭିଯୋଗ ଆଣିଥିଲେ । ୍େତବେ ଆଗକୁ ଆଉ କେଉଁ ଅଭିଯୋଗ ସାମ୍ନାକୁ ଆସିବ , ତାହା ଦେଖିବା ବାକି ରହିଲା ।