ଯୋଡ଼ା ମୁଣ୍ଡ ଶିଶୁପୁତ୍ର

କେନ୍ଦୁଝର(ବଡ଼ ଖବର ବ୍ୟୁରୋ): ଯୋଡ଼ା ମୁଣ୍ଡବିଶିଷ୍ଟ ଶିଶୁପୁତ୍ର ଜନ୍ମ । କେନ୍ଦୁଝର ଜିଲ୍ଲା ହରିଚନ୍ଦନପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଶନିବାର ବିରଳ ଶିଶୁପୁତ୍ର ଜନ୍ମ ହୋଇଛି। ଶିଶୁଟିର ଦୁଇଟି ମୁଣ୍ଡ ରହିଛି । ଦୁଇଟି ମସ୍ତକ ଥିବା ଏହି ଅଦ୍ଭୁତ ଶିଶୁପୁତ୍ରକୁ ଦେଖିବା ପାଇଁ କିଛି ସମୟ ଲୋକଙ୍କ ଭିଡ଼ ଜମିଥିଲା ।

ଠାକୁରପଡା ପଞ୍ଚାୟତ ରାଇଡିହା ଗ୍ରାମର ମୂରଲୀଧର ନାଏକଙ୍କ ପତ୍ନୀ ବାସନ୍ତୀ ନାଏକଙ୍କ ପ୍ରସବ ବେଦନା ହେବା ପରେ ଶୁକ୍ରବାର ରାତିରେ ତାଙ୍କୁ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା । ଶନିବାର ସକାଳ ବାସନ୍ତି ଏହି ଅଦ୍ଭୁତ ଶିଶୁ ପୁତ୍ରକୁ ଜନ୍ମ ଦେଇଥିଲେ । ଜନ୍ମର ଏକ ଘଣ୍ଟା ପରେ ଉକ୍ତ ସନ୍ତାନର ମୃତ୍ୟୁ ହୋଇଛି ।