ଭୋଟ ପାଇଁ ନୋଟ ବଣ୍ଟନ!

ରାୟଗଡ଼ା (ବଡ଼ ଖବର ବ୍ୟୁରୋ): ବିଜେଡି ରାଜ୍ୟ ସମ୍ପାଦକ ସୁଧୀର ଦାସଙ୍କ ଭୋଟ ପାଇଁ ଟଙ୍କା ବଣ୍ଟନ କରୁଥିବା ଭିଡିଓ ଭାଇରାଲ୍ ହୋଇଛି ଗୋଟିଏ ରୁ ଗୋଟିଏ ମୋବାଇଲକୁ ଘୁରି ବୁଲୁଛି । ଏହି ଭିଡିଓରେ ଏକ ଗାଁରେ ଭୋଟ ଦେବା ପାଇଁ ସୁଧୀର ଦାସ ଖୁଲମଖୁଲା ଟଙ୍କା ବାଣ୍ଟୁଛନ୍ତି । ଏହି ସ୍ଥାନଟି ରାୟଗଡ଼ା ଜିଲ୍ଲା ବିଷମକଟକ ନିର୍ବାଚନମଣ୍ଡଳି ବେଥିଆ ପଡ଼ା ଗାଁର ବୋଲି ଅନୁମାନ କରାଯାଉଛି ।

ଶୁକ୍ରବାର ଏହି ଘଟଣା ଘଟିଥିବା ଜଣାପଡିଛି। ଏନେଇ ନିର୍ବାଚନ କମିଶନରଙ୍କୁ ତଦନ୍ତ କରି ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ବିଜେପି ପ୍ରାର୍ଥୀ ଜଗନ୍ନାଥ ନୁଣ୍ଡୁରୁକା ଦାବି କରିଛନ୍ତି। ଏନେଇ ବିଜେଡି ପ୍ରାର୍ଥୀ ଜଗନ୍ନାଥ ସାରକା ଓ ଟଙ୍କା ବଣ୍ଟନ କରୁଥିବା ବିଜେଡି ରାଜ୍ୟ ସମ୍ପାଦକ ସୁଧୀର ଦାସଙ୍କ କିଛି ପ୍ରତିକ୍ରିୟା ମିଳିପାରିନାହିଁ।